ইজৰাইলৰ আক্ৰমণত দুয়োখন হাত হেৰুওৱা ৯ বছৰীয়া পেলেষ্টাইনী কিশোৰৰ ফটোৱে জয় কৰিলে ‘ৱৰ্ল্ড প্ৰেছ ফটো ২০২৫’

গাজাত ইজৰাইলী আক্ৰমণত দুয়োখন হাত হেৰুৱাই পেলোৱা ৯ বছৰীয়া পেলেষ্টাইনী কিশোৰৰ মাহমুদ আজ্জুৰৰ এখন শক্তিশালী ফটো ২০২৫ চনৰ ৱৰ্ল্ড প্ৰেছ ফটো অৱ দ্য ইয়েৰ হিচাপে নিৰ্বাচিত হৈছে।পেলেষ্টাইনী ফটোগ্ৰাফাৰ সমৰ আবু এলৌফে দ্য নিউয়ৰ্ক টাইমছৰ বাবে তোলা ছবিখনত দেখা গৈছে যে মাৰ্চ মাহত হোৱা আক্ৰমণৰ পাছত কাটাৰৰ ডোহাত মাহমুদক চিকিৎসা সেৱাৰ বাবে লৈ যোৱা হৈছিল ২০২৪ চনত ৱৰ্ল্ড প্ৰেছ ফটো সংস্থাই ১৪১খন দেশৰ ৩,৭৭৮ জন ফটোগ্ৰাফাৰৰ ৫৯,০০০ৰো অধিক ফটোৰ পৰা ইয়াক বাছি লৈছিল।

উল্লেখ্য যে, পৰিয়ালসহ পলায়ন কৰি থাকোঁতে মাহমুদ আহত হয়, বিস্ফোৰণৰ ফলত এখন হাত কটাৰ লগতে আনটো হাত ক্ষতিগ্ৰস্ত হয়, যিটো হাতো কাটিবলগীয়া হয়।

গাজাত সংঘাত অব্যাহত থকাৰ সময়তে এই বঁটা প্ৰদান কৰা হৈছে, ২০২৩ চনৰ অক্টোবৰৰ পৰা পেলেষ্টাইনৰ স্বাস্থ্য মন্ত্ৰালয়ে বহু মহিলা আৰু শিশুকে ধৰি ৫১ হাজাৰৰো অধিক লোকৰ মৃত্যুৰ বাতৰি দিছে। ইজৰাইলে কয় যে তেওঁলোকৰ আক্ৰমণৰ লক্ষ্য হৈছে হামাছ, যিয়ে অসামৰিক অঞ্চল ব্যৱহাৰ কৰে, কিন্তু অসামৰিক লোকৰ সংখ্যা বেছি হোৱাৰ বাবে বিতৰ্কৰ সৃষ্টি হৈছে। এই জয়ে নেটিজেনৰ দৃষ্টি আকৰ্ষণ কৰিছে, কিছুমানে ফটোখনৰ বাৰ্তাক প্ৰশংসা কৰিছে আৰু আন কিছুমানে নিৰীহ জীৱনত যুদ্ধৰ প্ৰভাৱক লৈ প্ৰশ্ন উত্থাপন কৰিছে, যাৰ ফলত ই বিশ্বব্যাপী আলোচনাৰ কেন্দ্ৰবিন্দু হৈ পৰিছে।