পৰ্তুগালত গৰ্ভৱতী ভাৰতীয় পৰ্যটকৰ মৃত্যু; স্বাস্থ্য মন্ত্ৰীৰ পদত্যাগ

Portugal health minister resigns পৰ্তুগালৰ স্বাস্থ্য মন্ত্ৰী মাৰ্টা টেমিডোৱে মঙলবাৰে পদত্যাগ কৰে। এগৰাকী ৩৪ বছৰীয়া গৰ্ভৱতী ভাৰতীয় পৰ্যটকৰ মৃত্যুৰ পিছতে তেওঁ এইদৰে পদত্যাগ কৰে। ঘটনাটোৰ কেইঘণ্টামান পিছতে মন্ত্ৰীগৰাকীয়ে পদত্যাগ কৰে।

স্থানীয় সূত্ৰসমূহৰ মতে, চিকিৎসালয়ত বিচনা নোহোৱাৰ বাবে মহিলাগৰাকীক এখন চিকিৎসালয়ৰ পৰা লিছবনৰ আন এখন চিকিৎসালয়লৈ স্থানান্তৰিত কৰাৰ সময়ত হৃদৰোগত আক্ৰান্ত হয়। স্থানীয় সংবাদ মাধ্যমৰ সূত্ৰ অনুসৰি এই খৱৰটো জানিব পৰা গৈছে।

লগতে পঢ়ক: Suez Canal blocked এভাৰ গিভন কণ্টেইনাৰ জাহাজৰ পিছত ছুৱেজ খালত পুনৰ আবদ্ধ আন এখন জাহাজ

জাৰ্নেল ডি নটিচিয়াছে প্ৰতিবেদনত কোৱা হৈছে যে তেওঁ জৰুৰীকালীন স্বাস্থ্য সেৱা বন্ধ কৰা, চিকিৎসালয়ত চিকিৎসকৰ অভাৱ আৰু ৰাষ্ট্ৰীয় স্বাস্থ্য সেৱাৰ সমস্যাসমূহৰ মোকাবিলা কৰাত ব্যৰ্থ হৈছিল। জৰুৰীকালীন প্ৰসূতি সেৱা বন্ধ হোৱাৰ বাবে তীব্ৰ সমালোচনাৰ মুখত পৰি টেমিডোৱে পদত্যাগ কৰে।

পৰ্তুগালৰ প্ৰধানমন্ত্ৰী এণ্টনিঅ’ কোষ্টাই টুইটাৰত পোষ্ট কৰিছে যে টেমিডোৰ সকলো কামৰ বাবে তেওঁ ‘কৃতজ্ঞ’। বিশেষকৈ কোভিড মহামাৰীৰ মোকাবিলাত দেখুওৱা তেওঁৰ কামৰ বাবে। কোষ্টাই স্বাস্থ্যসেৱা প্ৰণালী শক্তিশালী কৰিবলৈ সংস্কাৰ অব্যাহত ৰখাৰ প্ৰতিশ্ৰুতিও দিছে।

লগতে পঢ়ক: Congress president polls: কংগ্ৰেছৰ সভাপতি নিৰ্বাচনঃ জ্যেষ্ঠ নেতাই জনোৱা দাবীৰ পিছতো ভোটাৰ তালিকা ৰাজহুৱা নকৰে এআইচিচিয়ে

স্থানীয় সংবাদ মাধ্যমৰ বাতৰি অনুসৰি, মৃত ভাৰতীয় মহিলাগৰাকী ৩১ সপ্তাহৰ গৰ্ভৱতী আছিল। উশাহ-নিশাহৰ সমস্যা হোৱাত তেওঁক ছাণ্টা মাৰিয়া চিকিৎসালয়লৈ লৈ যোৱা হৈছিল। এই চিকিৎসালয়খন পৰ্তুগালৰ এক অন্যতম বৃহৎ স্বাস্থ্য সেৱা কেন্দ্ৰ।

Agradeço todo o trabalho desenvolvido pela Dra. Marta Temido, muito em especial no período excecional do combate à pandemia da #COVID19. O @govpt prosseguirá as reformas em curso tendo em vista fortalecer o #SNS e a melhoria dos cuidados de saúde prestados aos portugueses.

— António Costa (@antoniocostapm) August 30, 2022

প্ৰতিবেদনখনত এইটোও কোৱা হৈছে যে তেওঁৰ অৱস্থা স্থিৰ হোৱাৰ পিছত, চিকিৎসালয়খনে তেওঁক চাও ফ্ৰাঞ্চিস্কো জেভিয়াৰ চিকিৎসালয়লৈ স্থানান্তৰ কৰে। ছাণ্টা মাৰিয়া চিকিৎসালয়ৰ নৱজাতকৰ বিভাগটো পূৰ্ণ হৈ আছিল। সেইকাৰণে তেওঁক স্থানান্তৰ কৰা হৈছিল বুলি জনা গৈছে। কিন্তু স্থানান্তৰৰ পথত, মহিলাগৰাকী হৃদৰোগত আক্ৰান্ত হৈছিল।

চিকিৎসালয়ত মহিলাগৰাকীৰ মৃত্যু হয় যদিও নৱজাতকটিক চাইল্ড কেয়াৰ ইউনিটট ভৰ্তি কৰোৱা বুলি জানিব পৰা গৈছে। বাতৰি অনুসৰি মহিলাগৰাকীৰ মৃত্যুৰ তদন্ত আৰম্ভ হৈছে।