বিশ্বনাথত চাঞ্চল্য : স্কুলীয়া ছাত্ৰ ছাত্ৰীৰ হাতত উদ্ধাৰ ভোট প্ৰদান কৰা বেলট পেপাৰ

বিশ্বনাথত উদ্ধাৰ হল স্কুলীয়া ছাত্ৰ ছাত্ৰীৰ হাতত বেলট পেপাৰ। বিশ্বনাথৰ ২ নং পেটোলীবাৰী গাঁৱত বেলট পেপাৰ উদ্ধাৰ স্কুলীয়া ছাত্ৰ ছাত্ৰীৰ হাতত।প্ৰথম পৰ্যায়ৰ হৈ যোৱা পঞ্চায়ত নিৰ্বাচনৰ বিশ্বনাথৰ কুঁৱৰী পঞ্চায়তৰ ৭ নং ৱাৰ্ডৰ ২ নং পেটুলীবাৰী ভোট কেন্দ্ৰত  যোৱাকালি আবেলি বিদ্যালয়ৰ চৌহদত জনসাধাৰণে ভোট প্ৰদান কৰা বেলট পেপাৰ  উদ্ধাৰ কৰে বিদ্যালয়ৰ ছাত্ৰ ছাত্ৰীয়ে। গাঁৱৰে সচেতন যুৱক ৰাজীব গগৈয়ে  ছাত্ৰ-ছাত্ৰীৰ হাতত এই বেলট পেপাৰসমূহ প্ৰত্যক্ষ কৰাত পোহৰলৈ আহে এই ঘটনা।

বেলট পেপাৰসমূহত অধিকাংশ পদুম ফুলৰ চিনত ভোট প্ৰদান কৰা আছে আৰু কেইটামানত হাতৰ চিনত। আনহাতে প্ৰথম পৰ্যায়ৰ নিৰ্বাচনৰ সন্ধিয়া কুঁৱৰী পঞ্চায়তৰ ৭ নং ৱাৰ্ডৰ অগপ দলৰ সভানেত্ৰী পদৰ প্ৰাৰ্থী কিৰণ বৰপাত্ৰ গোহাঁই আৰু গোহাইঁৰ সমৰ্থকে উক্ত ভোট কেন্দ্ৰটোত ৰিগিং হোৱাৰ অভিযোগ তুলিছিল যদিও সংশ্লিষ্ট কতৃপক্ষই কোনো ব্যৱস্থা গ্ৰহণ নকৰিলে। কিন্তু এই ঘটনা পোহৰলৈ অহাৰ পিছত উক্ত দিনাৰ ঘটনাৰ সত্যতা আছে বুলি ভবাৰ থল আছে।

সেইহে পুনৰ এই কেন্দ্ৰত ভোট গ্ৰহণ কৰাৰ দাবী জনাইছে স্থানীয় ৰাইজে। উদ্ধাৰ হোৱা বেলট পেপাৰসমূহ ইতিমধ্যে বিশ্বনাথ জিলা প্ৰশাসনে জব্দ কৰিছে।