ক্ৰমাগত ভাবে হ্ৰাস পাইছে পেট্ৰ’ল আৰু ডিজেলৰ মূল্য

আন্তঃৰাষ্ট্ৰীয় তেলৰ বজাৰত খাৰুৱা তেলৰ মূল্য প্ৰতি বেৰেলত ৭০ মাৰ্কিন ডলাৰ হ্ৰাস পোৱাৰ বাবে ভাৰতৰ বিভিন্ন ঠাইৰ লগতে অসমতো হ্ৰাস পাইছে পেট্ৰ’ল আৰু ডিজেলৰ মূল্য।

আজি ক্ৰমাগত তৃতীয় দিনৰ বাবে অসমৰ খাৰুৱা তেলৰ বজাৰত হ্ৰাস পাই পেট্ৰ’ল আৰু ডিজেলৰ দাম।

আজি গুৱাহাটী মহানগৰীত প্ৰতি লিটাৰ পেট্ৰ’লত ৫০ পইচা আৰু প্ৰতি লিটাৰ ডিজেলত ২০ পইচাকৈ হ্ৰাস পাই হয়গৈ ক্ৰমে ৭১.৬৭ টকা আৰু ৬৬.৭৩ টকা।

উল্লেখযোগ্য যে, শুকুৰবাৰেও গুৱাহাটী মহানগৰীত পেট্ৰ’ল আৰু ডিজেলৰ মূল্য হ্ৰাস হৈ হৈছিল ক্ৰমে ৭২.১৭ টকা আৰু ৬৬.৯৩ টকা।

অসমৰ চুবুৰীয়া ৰাজ্য মেঘালয়ৰ ৰাজধানী শ্বিলঙত আজি প্ৰতিলিটাৰ পেট্ৰ’লৰ দাম ৪৭ পইচা হ্ৰাস পাই হৈছে ৬৯.৩৪ টকা আৰু ডিজেলৰ দাম প্ৰতিলিটাৰত ১৯ পইচা হ্ৰাস পাই হৈছে ৬৩.৮১ টকা।

আনহাতে, শুকুৰবাৰৰ দিনটোত দেশৰ ৰাজধানী নতুন দিল্লীত পেট্ৰ’লৰ মূল্য আছিল প্ৰতিলিটাৰত ৭২.৬৩ টকা।

আগন্তুক সময়ত আৰু হ্ৰাস হোৱাৰ সম্ভাৱনা আছে পেট্ৰ’ল আৰু ডিজেলৰ বজাৰ মূল্য।