প্ৰধানমন্ত্ৰী মোদীয়ে সংসদত চিনাকী কৰালে খাদ্য সংসাধন বিভাগৰ ৰাজ্যিক মন্ত্ৰী ৰামেশ্বৰ তেলীক

১৭ জুনৰ পৰা আৰম্ভ হোৱা সপ্তদশ লোকসভা অধিবেশনৰ কাৰ্য্যসূচীৰ অংশস্বৰূপে আৰু লোকসভাৰ অধ্যক্ষ ওম বিৰলাৰ আহ্বান মৰ্মে আজি দেশৰ প্ৰধানমন্ত্ৰী নৰেন্দ্ৰ মোদীয়ে মন্ত্ৰীসভাৰ মন্ত্ৰীসকলক সংসদত চিনাকী কৰাই দিয়ে।

অন্যান্য মন্ত্ৰী মণ্ডলৰ লগতে মোদীয়ে অসমৰ সাংসদ তথা খাদ্য সংসাধন বিভাগৰ ৰাজ্যিক মন্ত্ৰীৰ দায়িত্ব  লাভ কৰা ৰামেশ্বৰ তেলীকো সংসদত চিনাকী কৰাই দিয়ে।

প্ৰধান মন্ত্ৰীয়ে তেলীৰ নাম উচ্চাৰণ কৰাৰ লগে  লগে তেলীয়ে থিয় হৈ হাতজোৰ কৰি সকলোৰে প্ৰতি কৃতজ্ঞতা জ্ঞাপন কৰে।

তেলীৰ লগতে আন এগৰাকী উত্তৰ-পূবৰ ৰাজ্যিক স্বতন্ত্ৰ মন্ত্ৰী কিৰেণ ৰিজিজুকো প্ৰধান মন্ত্ৰীয়ে চিনাকী কৰাই দিয়ে।

প্ৰধানমন্ত্ৰীয়ে অধ্যক্ষৰ আহ্বান মৰ্মে একাদিকক্ৰমে প্ৰথমে কেবিনেট মন্ত্ৰীসকলক আৰু পৰৱৰ্তী সময়ত ৰাজ্যিক মন্ত্ৰীসকলক সংসদত চিনাকী কৰি দিয়ে।

উল্লেখযোগ্য যে আজি উত্তৰ-পূবৰ নেতাসকলে লোকসভাৰ নৱ নিৰ্বাচিত অধ্যক্ষ ওম বিৰলাক শুভেচ্ছা জ্ঞাপন কৰে।