জাৰ্মান চলচ্চিত্ৰ মহোৎসৱত দুটাকৈ বঁটাৰে সন্মানিত অসমৰ ব্ৰেণ্ড এম্বেছাদৰ প্ৰিয়ংকাৰ ছবি ‘পহুনা’

অসমৰ ব্ৰেণ্ড এম্বেছাদৰ তথা অভিনেত্ৰী-প্ৰযোজিকা প্ৰিয়ংকা চোপ্ৰাৰ ছবি ‘’পহুনা : দ্য লিটল্ ভিজিটৰছ’ এ জাৰ্মানীত শিশু তথা যুৱ দৰ্শকৰ বাবে অনুষ্ঠিত স্কেলিনজেল আন্তৰ্জাতিক চলচ্চিত্ৰ মহোৎসৱত দুটা বঁটা লাভ কৰিবলৈ সক্ষম হৈছে।

চলচ্চিত্ৰখনে য়ুৰোপিয়ান শিশু চলচ্চিত্ৰ বঁটা লাভ কৰাৰ লগতে বৃত্তিগত জুৰীৰ কাহিনী চলচ্চিত্ৰৰ আন্তৰ্জাতিক শাখাত বিশেষ উল্লেখ বঁটা লাভ কৰে।

মহোৎসৱখনত ২ অক্টোবৰৰ পৰা ৫ অক্টোবৰলৈ অনুষ্ঠিত ছবিখনৰ য়ুৰোপিয়ান প্ৰিমিয়াৰত ছবিখনে ব্যাপক সঁহাৰি লাভ কৰে।

‘পহুনা’ত তিনিজন নেপালী শিশুৰ পিতৃ-মাতৃৰ পৰা বিছিন্ন হোৱা তথা তেওঁলোকৰ ঘৰলৈ উভতনি যাত্ৰাৰ কাহিনী বৰ্ণিত হৈছে।

ছিকিমী ভাষাৰ ছবিখন পৰিচালনা কৰিছে পাখি ও টায়াৰাৱালাই আৰু ছবিখন পাৰ্পোল পেব্বল পিকশ্যাৰছ (পিপিপি)ৰ বেনাৰত প্ৰযোজনা কৰিছে প্ৰিয়ংকা আৰু তেওঁৰ মাতৃ মধু চোপ্ৰাই।

‘’পহুনা আমাৰ পাৰ্পোল পেব্বল পিকশ্যাৰছৰ সকলোৰে বাবে এখন অতি বিশেষ ছবি হিচাপে সদায় বিবেচিত হৈ থাকিব। আমি যেতিয়া পহুনাৰ যাত্ৰা আৰম্ভ কৰিছিলো, আমি ছবিখন ইমান দূৰলৈ লৈ যোৱাৰ আশা কৰা নাছিলো। কিন্তু ইশ্বৰৰ কৃপাত ছবিখনে কেৱল ভাৰততে নহয়, লগতে গোটেই বিশ্বতে সমাদৰ লাভ কৰিছে,’’-এক বিবৃতিত মধু চোপ্ৰাই কয়।

‘’ মই স্বীকৃতি লাভ কৰাৰ বাবে স্কেলিনজেল আন্তৰ্জাতিক শিশু চলচ্চিত্ৰ মহোৎসৱৰ প্ৰতি কৃতজ্ঞ। আমি পাৰ্পোল পেব্বল পিকশ্যাৰছে আমাৰ যাত্ৰাত আৰু অধিক এনেকুৱা স্বীকৃতিৰ বাবে আগবাঢ়ি যাম,’’-তেওঁ লগতে কয়।