তামোল-গুটখা খাই চেকা লগোৱা দাঁত বগা কৰাৰ উপায়

সকলো লোকেই এপাৰি সুন্দৰ দাঁতৰ গৰাকী হ’বলৈ বিচাৰে। এপাৰি সুন্দৰ আৰু বগা দাঁত থকা ব্যক্তিৰ সৌন্দৰ্য আৰু ব্যক্তিত্ব শক্তিশালী হয়। কিন্তু বিভিন্ন কাৰণত মানুহৰ দাঁতত দাগ লাগে। দাঁতৰ বগা ৰং সলনি হৈ যায়। যিমান দাঁত ঘহিলেও এই দাগ আঁতৰাব নোৱাৰি।

সেয়ে আজি আপোনালোকলৈ লৈ আহিছোঁ দাগ থকা দাঁত উজ্বলাই তোলা কেইটামান কিটিপ।

১. দাঁত চাফা কৰা আটাইতকৈ সহজ উপায় হ’ল দৈনিক টুথব্ৰাছ আৰু টুথপেষ্ট ব্যৱহাৰ কৰা। দন্ত চিকিৎসক সকলৰ মতে সকলো লোকে দৈনিক ২ মিনিটকৈ দুবাৰ দাঁত ব্ৰাছ কৰিব লাগে। এনে কৰিলে গুটখা বা পাণ খালেও দাঁতত সহজে দাগ নপৰে।

২. দাঁতৰ পৰা দাগ আঁতৰোৱাৰ আন এটা উপায় হ’ল বেকিং ছ’ডা আৰু পানী ব্যৱহাৰ কৰা। এচামুচ বেকিং ছ’ডা অলপত পানীৰ সৈতে মিহলাই প্ৰায় দুমিনিটমান সময় ব্ৰাছ কৰক। এনে কৰিলে সহজে দাঁতৰ দাগ আঁতৰি যায়।

৩. লেতেৰা দাঁত পৰিস্কাৰ কৰাৰ বাবে বজাৰত বিভিন্ন ধৰণৰ ঔষধ পোৱা যায়। এই বোৰে লেতেৰা দাঁত চাফা কৰি উজ্জ্বলাই তুলিব পাৰে। এই সামগ্ৰীসমূহত হাইড্ৰজেন পেৰাক্সাইড আৰু ছডিয়াম হাইপ’ক্লৰাইট থাকে। এই উপাদান সমূহে চিগাৰেট, পাণ মচলা আদি খোৱাৰ ফলত লেতেৰা হোৱা দাঁত চাফা কৰিব পাৰে।

৪. যদি আপুনি দাঁতৰ পৰা পাণ মচলাৰ দাগ আঁতৰোৱাৰ তাৎক্ষণিক সমাধান বিচাৰিছে, তেন্তে আপুনি দাঁত বগা কৰাৰ চিকিৎসাৰ বাবে দন্ত চিকিৎসকৰ ওচৰলৈ যোৱাৰ কথা চিন্তা কৰিব পাৰে। চিকিৎসকে কেইবাটাও পদ্ধতিৰ দ্বাৰা একে দিনাই লেতেৰা দাঁত বগা কৰি দিব পাৰে।