বিশ্বাস নহ’লেও সঁচা! এটি পাৰ চৰাই বিক্ৰী হ’ল ১৪কোটি টকাত
এক-দুই কোটি নহয় নগদ ১৪কোটি টকাত বিক্ৰী হৈছে এটি পাৰ চৰাই। বেলজিয়ামত নীলামত বিক্ৰী হোৱা এই পাৰ চৰাইটি ক্ৰয় কৰিছে চীনৰ এজন নাগৰিকে।
অৱশ্যে, পাৰ চৰাইটি কিনা চীনা নাগৰিকৰজনৰ পৰিচয় উদ্ধাৰ হোৱা নাই।
পাৰ চৰাইটিৰ নাম হৈছে নিউ কিম। দুবছৰ বয়সৰ মাইকী পাৰ চৰাইটি বিক্ৰীৰ বাবে নীলামত দিয়া হৈছিল।
দেওবাৰে অনুষ্ঠিত হোৱা নীলামত পাৰ চৰাইটিৰ দৰ উঠে ১৯ লাখ ডলাৰ। ভাৰতীয় টকাৰ হিচাপত ইয়াৰ মূল্য হ’ব প্ৰায় ১৪কোটি ১৪লাখ ৮৮হাজাৰ টকা।
চীনৰ নাগৰিকজনে এই মূল্যত পাৰ চৰাইটি ক্ৰয় কৰে। এটা বিশেষ প্ৰজাতিৰ পাৰ চৰাইটি ‘ৰেচিং পিজন’ হিচাপেও পৰিচিত।
ৰেচৰ পাৰ চৰাই সংগ্ৰহ কৰাৰ চখ ৰখা চীনৰ ধনী ব্যক্তিজনে এই পাৰ চৰাইটি কিনে। চীনত সম্প্ৰতি পাৰ উৰুওৱা প্ৰতিযোগিতাই অত্যন্ত জনপ্ৰিয়তা লাভ কৰিছে।
আনহাতে নিউ কিম মাইকী পাৰ হোৱাৰ বাবে ইয়াৰ দাম অধিক হৈছে কিয়নো এই প্ৰজাতিৰ পাৰ চৰাইটিক প্ৰজননৰ কামত ব্যৱহাৰ কৰিব পৰা যাব।