লোকসভা নিৰ্বাচনৰ পূৰ্বে কংগ্ৰেছত মোক্ষম আঘাত! ৰাহুল গান্ধীৰ ঘনিষ্ঠ নেতা মিলিন্দ দেওৰাৰ পদত্যাগ

কংগ্ৰেছ ত্যাগ কৰিলে ৰাহুল গান্ধীৰ ঘনিষ্ঠ নেতা হিচাপে পৰিচিত মিলিন্দ দেওৰাই। কিছুদিন ধৰি এনে চৰ্চা তীব্ৰ হৈ পৰিছিল। শিৱসেনা (সিন্দে ফৈদ)ত যোগদান কৰিব দেওৰাই। দেওবাৰে পুৱা এক্স (টুইটাৰ)ত দেওৰাই দলৰ প্ৰাথমিক সদস্যপদৰ পৰা পদত্যাগ কৰাৰ বিষয়ে অৱগত কৰে।

দেওৰাই কয়, ‘আজি মোৰ ৰাজনৈতিক যাত্ৰাৰ এক অতি গুৰুত্বপূৰ্ণ মাইলৰ খুঁটি। কংগ্ৰেছৰ প্ৰাথমিক সদস্য পদৰ পৰা পদত্যাগ কৰিছো, দলৰ সৈতে মোৰ পৰিয়ালৰ ৫৫ বছৰীয়া সম্পৰ্ক শেষ হৈছে।‘ মহাৰাষ্ট্ৰ কংগ্ৰেছৰ অন্যতম শীৰ্ষ নেতা দেওৰাই কংগ্ৰেছৰ সকলো নেতা-কৰ্মীক সহযোগিতাৰ বাবে ধন্যবাদ জ্ঞাপন কৰিছে।

যোৱা নিশালৈকে দেওৰাই সিন্দে নেতৃত্বাধীন শিৱসেনাত যোগদানৰ জল্পনা-কল্পনাক খাৰিজ কৰিছিল। দেওৰাই কৈছিল যে তেওঁ নিজৰ সমৰ্থকৰ সৈতে আলোচনা কৰি আছে। শেহতীয়াকৈ শিৱসেনাই (উদ্ধৱ থাকৰে ফৈদ) মুম্বাই দক্ষিণ লোকসভা সমষ্টিত দাবী বাজি ধৰাত তেওঁ অসন্তুষ্টি প্ৰকাশ কৰিছিল।

Today marks the conclusion of a significant chapter in my political journey. I have tendered my resignation from the primary membership of @INCIndia, ending my family’s 55-year relationship with the party.

I am grateful to all leaders, colleagues & karyakartas for their…

— Milind Deora | मिलिंद देवरा ☮️ (@milinddeora) January 14, 2024

উদ্ধৱ থাকৰে নেতৃত্বাধীন গোটটোৱে আগন্তুক সাধাৰণ নিৰ্বাচনত মুম্বাই দক্ষিণ সমষ্টিৰ পৰা প্ৰতিদ্বন্দ্বিতা কৰাৰ দাবী কৰিছিল আৰু ২০১৪ চনৰ পূৰ্বে এই আসনখনক দেওৰাই প্ৰতিনিধিত্ব কৰিছিল।

I recall my long years of association with MURLI Deora with great fondness. He had close friends in all political parties, but was a stalwart Congressman who ALWAYS stood by the Congress party — through thick and thin.

Tathastu!

— Jairam Ramesh (@Jairam_Ramesh) January 14, 2024

দেওৰাই কৈছিল যে যিহেতু আসন ভাগ-বতৰা সন্দৰ্ভত আনুষ্ঠানিক আলোচনা এতিয়াও সম্পূৰ্ণ হোৱা নাই, গতিকে কোনেও দাবী উত্থাপন কৰা উচিত নহয়। শিৱসেনা (উদ্ধৱ থাকৰে ফৈদ), মহা বিকাশ আঘাদী (এম ভি এ), কংগ্ৰেছ আৰু ৰাষ্ট্ৰীয়তাবাদী কংগ্ৰেছ পাৰ্টি (শাৰদ পাৱাৰ ফৈদ) মিত্ৰজোঁটৰ অংশীদাৰ।

কংগ্ৰেছৰ জ্যেষ্ঠ নেতা মুৰলী দেওৰাৰ পুত্ৰ দেওৰাই ২০০৪ আৰু ২০০৯ চনত মুম্বাই দক্ষিণৰ আসনখনৰ পৰা বিজয় সাৱ্যস্ত কৰিছিল।