ৰাষ্ট্ৰীয় পতাকা আৰু গণৰাজ্য দিৱসক অপমান; সংসদৰ যৌথ অধিৱেশনত ৰাষ্ট্ৰপতি ৰামনাথ কোবিন্দ
ৰাষ্ট্ৰপতি ৰামানাথ কোবিন্দে আজি সংসদৰ যৌথ অধিৱেশনত ভাষণ প্ৰদান কৰে।
ভাষণ প্ৰসংগত ৰাষ্ট্ৰপতি কোবিন্দে দিল্লীৰ গণৰাজ্য দিৱসৰ দিনাখন ট্ৰেক্টৰ ৰেলীৰ সময়ত সংঘটিত হোৱা হিংসাত্মক ঘটনাক সমালোচনা কৰে।
‘‘ৰাষ্ট্ৰীয় পতাকা আৰু গণৰাজ্য দিৱসক অপমান কৰা হ’ল….সংবিধানে আমাক মত প্ৰকাশৰ স্বাধীনতা অৰ্পন কৰিছে, একে সংবিধানে আমাক দেশৰ আইন আৰু নিয়ম সমূহ কঠোৰভাৱে অনুসৰণ কৰাৰ বাবেও কৈছে,’’ গণৰাজ্য দিৱসৰ ঘটনাক গৰিহণা দি ৰাষ্ট্ৰপতি ৰামনাথ কোবিন্দে এইদৰে কয়।
আনহাতে, আজি সংসদৰ যৌথ অধিৱেশনত ৰাষ্ট্ৰপতিৰ ভাষণৰ সময়ত কংগ্ৰেছকে ধৰি ১৬ টা বিৰোধী দলে ৰাষ্ট্ৰপতিৰ ভাষণ বৰ্জন কৰে।
কৃষি আইন বাতিলৰ বাবে চৰকাৰৰ ওপৰত চাপ সৃষ্টিৰ লক্ষ্যৰে বিৰোধী সকলে এই উপায় অৱলম্বন কৰিছে।
উল্লেখযোগ্য যে, গণৰাজ্য দিৱসৰ দিনটোত প্ৰতিবাদী কৃষক সকলে ট্ৰেক্টৰ ৰেলীৰে দিল্লীৰ লালকিল্লাত প্ৰৱেশ কৰি তেওঁলোকৰ পতাকা উৰুৱাই চৰম অনুশাসনহীনতাৰ পৰিচয় দিছিল।
হিংসাত্মক কৃষকৰ আক্ৰমণত দুশৰো অধিক আৰক্ষী দিল্লীত আঘাতপ্ৰাপ্ত হৈছিল।
You may also like
অভাৱনীয়ভাবে কমিছে কেঁচাপাতৰ দাম : তাৎক্ষণিক ব্যৱস্থা গ্ৰহণ নকৰিলে ৮ ছেপ্তেম্বৰত আন্দোলনৰ হুংকাৰ ক্ষুদ্ৰ চাহ খেতিয়কৰ
কেঁচা চাহপাতৰ দাম অস্বাভাৱিকভাৱে হ্ৰাস পোৱাৰ বাবে তীব্ৰ দুৰ্দশাৰ সন্মুখীন হৈছে অসমৰ হাজাৰ হাজাৰ ক্ষুদ্ৰ চাহ খেতিয়ক। ইয়াৰ প্ৰতিক্ৰিয়া স্বৰূপে তাৎক্ষণিক ব্যৱস্থা…
বিজেপি চৰকাৰৰ ২০১৭-১৮ বৰ্ষৰ বাজেট আৱেগিক কথাৰে ভৰা আছিল : বিধায়ক আমিনুল ইছলাম
“বিজেপি চৰকাৰে যোৱা বছৰ বাজেটত সাহিত্যিক ভাষা প্ৰয়োগ কৰি এখন ৰংচঙীয়া বাজেট প্ৰস্তুত কৰিছিল। বিভিন্ন আৱেগিক কথাৰে জনসাধাৰণক আকৃষ্ট কৰিবলৈ বিত্ত মন্ত্ৰী…
২৫ হাজাৰ বিহুৱা-বিহুৱতীক লৈ নতুন দিল্লীত আয়োজন কৰা হ’ব বিহু নৃত্য : মুখ্যমন্ত্ৰী
মুখ্যমন্ত্ৰী হিমন্ত বিশ্ব শৰ্মাই আজি ডিব্ৰুগড়ৰ মানকটা খেলপথাৰত আয়োজিত এক অনুষ্ঠানত এখন বাকৰিত আয়োজিত সৰ্ববৃহৎ বিহু নৃত্যৰ বিশ্ব অভিলেখ গঢ়াত অংশ লোৱা…
মৰ্মান্তিক! মঞ্চত সংগীত পৰিৱেশন কৰি থকাৰ সময়তে মৃত্যু ব্ৰাজিলৰ গায়কৰ
বুধবাৰে ব্ৰাজিলত সংঘটিত হয় এক মৰ্মান্তিক ঘটনা। উত্তৰ-পূব ব্ৰাজিলৰ এখন চহৰ ফেইৰা ডি চান্টানাত এক কনচাৰ্টত সংগীত পৰিৱেশন কৰি থকাৰ সময়তে মৃত্যু…