কেতিয়া বিয়াত বহিব ৰণবীৰ-আলিয়া? দুই তাৰকাৰ লগ্নত বাধা লকডাউন!

চলিত বৰ্ষৰ প্ৰথম ভাগতেই শুনিবলৈ পোৱা গৈছিল যে ২০২০ৰ শেহৰ পিনে বিবাহপাশত আৱদ্ধ হ’ব বলীউদৰ বহুচৰ্চিত যুটী ৰণবীৰ কাপুৰ আৰু আলিয়া ভাট।

পিচে, যোৱা মাৰ্চ মাহৰ পৰা কোভিড-১৯ৰ বাবে গোটেই দেশতে লকডাউন আৰম্ভ হয়। এই লকডাউনৰ ফলতেই ৰণবীৰ-আলিয়াৰ বিয়াৰ পৰিকল্পনা স্থগিত ৰয়।

শেহতীয়াকৈ সংবাদ মাধ্যমক দিয়া এটি সাক্ষাৎকাৰত এই বিষয়টো স্পষ্ট কৰিছে ৰণবীৰে। তেওঁ কয় যে অতিমাৰী নহাহেঁতেন ইমানদিনে তেওঁৰ প্ৰেমিকা আলিয়াৰ সৈতে বিবাশপাশত আৱদ্ধ হৈ পৰিলেহেঁতেন।

অৱশ্যে, এই মুহূৰ্তত কেতিয়া বিয়া পাতিব বিচাৰে সেই বিষয়ে একো জনোৱা নাই।

তাৰ মাজতে আলিয়াৰ প্ৰশংসাত পঞ্চমুখ হৈ পৰে ৰণবীৰ। আলিয়াক ‘অ’ভাৰ এচিভাৰ’ আখ্যা দি তেওঁ কয় যে এই লকডাউনৰ সময়ত গীটাৰৰ পৰা আৰম্ভ কৰি চিত্ৰনাট্য লিখালৈকে সকলো কথাই শিকি পেলাইছে আলিয়াই।

আলিয়াৰ কাষত নিজকে ‘আণ্ডাৰ এচিভাৰ’ বুলিয়েই ভাৱে ৰণবীৰে আৰু তেওঁ সেই কথা অকপটে স্বীকাৰো কৰে।

লকডাউনৰ সময়খিনি তেওঁ কেনেদৰে কটাইছে সেই সম্পৰ্কত ৰণবীৰে কয় যে আলিয়াৰ দৰে তেওঁ গীটাৰ বা আন কোনো বিষয়ৰ ওপৰত ক্লাছ কৰা নাই। কিন্তু লকডাউনৰ মাজতে তেওঁ পিতৃ ঋষি কাপুৰক হেৰুৱাইছে।

ৰণবীৰ-আলিয়াৰ বিয়াক লৈ বলীউদৰ বিতৰত সৰৱ চৰ্চা চলিছে। এই যুটীটোক অয়ন মুখাৰ্জী পৰিচালিত পৰৱৰ্তী ছবি ব্ৰহ্মাস্ত্ৰত দেখা যাব।

ৰণবীৰ আলিয়াৰ উপৰি এই ছবিখনত অভিনয় কৰিছে অমিতাভ বচ্চন, ডিম্পল কাপাডিয়া, নাগাৰ্জুন আৰু মৌনি ৰায়ক।