Jioই আগবঢ়াইছে আকৰ্ষণীয় WFH প্লেন; ১৫১ টকাত লাভ কৰিব 30GB ডাটা

ৰিলায়েন্স জিঅ’ই ৱৰ্ক ফ্ৰম হোম (WFH) প্লেন মুকলি কৰিছে। কোম্পানীটোৱে এবছৰৰ বাবে ৱৰ্ক ফ্ৰম হোম প্লেন মুকলি কৰিছে য’ত প্ৰতিদিনে ২জিবি ডাটা আগবঢ়োৱা হৈছে।

তদুপৰি, ৰিলায়েন্স জিঅ’ কিছু Add-On প্লেনো মুকলি কৰিছে।

বছৰেকীয়া প্লেন চলি থকাৰ মাজতে যিকোনো সময়ত এই প্লেনৰ ৰিচাৰ্জ কৰিব পৰা যাব।

জিঅ’ৰ নতুন তিনিটা Add-Onপ্লেন হৈছে-১৫১টকা, ২০১টকা আৰু ২৫১টকা।

বছৰি ২,৩৯৯টকাৰ ৱৰ্ক ফ্ৰম হোম পেকত গ্ৰাহকে প্ৰতিদিনে ২জিবি ডাটা লাভ কৰিব।

কোম্পানীয়ে জানিবলৈ দিয়া মতে ভইচ আৰু এছএমএছ আনলিমিটেড হ’ব আৰু ইয়াৰ ভেলিডিটি হৈছে ৩৬৫দিন।

কোম্পানীৰ ২,১২১টকাৰ আন এটা বছৰেকীয়া ৱৰ্ক ফ্ৰম হোম প্লেনো আছে।

ইয়াত প্ৰতিদিনে ডেৰ জিবি ডাটা লাভ কৰাৰ লগতে ভইচ আৰু এছএমএছ আনলিমিটেড হ’ব আৰু ইয়াৰো ভেলিডিটি হৈছে ৩৬৫দিন।

Add-Onপ্লেনত ১৫১ টকাৰ ৰিচাৰ্জ কৰিলে গ্ৰাহকে লাভ কৰিব ৩০জিবি ডাটা। এই ডাটাৰ ভেলিডিটি গ্ৰাহকৰ ৱৰ্ক ফ্ৰম হোম প্লেনৰ ভিত্তিত হ’ব।

যদি গ্ৰাহকৰ ৩৬৫দিন ভেলিডিটি আছে তেতিয়াহ’লে তেতিয়ালৈকে চলিব। যদিহে গ্ৰাহকে এদিনত ২জিবি ডাটা খৰচ কৰে তেতিয়াহ’লে ১৫১টকাত পোৱা ৩০জিবি ডাটাৰ পৰা খৰচ হ’ব।

দ্বিতীয়টো Add-Onপ্লেনৰ পেক ২০১টকাৰ। ইয়াত ৪০জিবি ডাটা আগবঢ়োৱা হৈছে। ইয়াৰ ভেলিডিটিও গ্ৰাহকৰ ৱৰ্ক ফ্ৰম হোম প্লেনৰ ভিত্তিত হ’ব।

আনহাতে, তৃতীয়টো Add-Onপ্লেনৰ পেক হৈছে ২৫১ টকাৰ আৰু ইয়াত গ্ৰাহকে ৫০জিবি ডাটা লাভ কৰিব।