উচ্চ ন্যায়লয়ত অগ্ৰিম জামিন লৈ কাজিৰঙালৈ অহা দুৰ্ধৰ্ষ চোৰাং ব্যৱসায়ী ৰহিমুদ্দিনক পৃথক গোচৰত গ্ৰেপ্তাৰ

কাজিৰঙা ৰষ্ট্ৰীয় উদ্যানৰ গঁড় হত্যা আৰু গঁড়ৰ খৰ্গৰ চোৰাং কাৰবাৰৰ সৈতে জড়িত এজন দুধৰ্ষ চোৰাং ব্যৱসায়ীক গ্ৰেপ্তাৰ কৰে ডি এফ অ’ৰমেশ কুমাৰ গগৈয়ে ৷

কাজিৰঙাৰ গঁড় হত্যা আৰু খৰ্গৰ ব্যৱসায়ৰ সৈতে জড়িত থকা কে আৰ / ২২/ ২০২০ নম্বৰ গোচৰত গুৱাহাটী উচ্চ ন্যায়লয়ৰ পৰা অগ্ৰিম জামিন লৈ দেওবাৰে কাজিৰঙাৰ ডি এফ অ’ৰ ওচৰত আত্মসৰ্পন কৰিবলৈ আহিছিল ৰহিমুদ্দিন নামৰ চোৰাং ব্যৱসায়ীজন ৷

ৰহিমুদ্দিনৰ ঘৰ নগাওঁ জিলাৰ নীল বাগানত ৷ নিজৰ অধিবক্তাক লৈ ডি এফ অ’ৰ ওচৰত আত্মসমৰ্পণ কৰিছিল ৰহিমুদ্দিনে ৷

উচ্চ ন্যায়লয়ৰ অগ্ৰিম জামিনৰ বাবে উল্লেখিত গোচৰত ৰহিমুদ্দিনে জামিন লোৱাৰ লগে লগেই ৰহিমুদ্দিনক কাজিৰঙাত কৰা গঁড় হত্যা আৰু খৰ্গৰ চোৰাং ব্যৱসায়ৰ সৈতে জড়িত থকাৰ কে আৰ / ২৩ / ২০২০ নম্বৰৰ অন্য এটা গোচৰত গ্ৰেপ্তাৰ কৰা হয় ৷

উল্লেখ্য যে কাজিৰঙাত গঁড় হত্যাৰ পৰিকল্পনা আৰু গঁড়ৰ খৰ্গৰ একাধিক ঘটনাত জড়িত ধৃত ৰহিমুদ্দিন ৷

ধৃত ৰহিমুদ্দিক সম্প্ৰতি জেৰা কৰিছে বন বিষয়া সকলে ৷ অচিৰেই তেওঁ আদালতত হাজিৰ কৰি জেল হাজোতলৈ প্ৰেৰণ কৰা হ’ব বুলি জানিব পৰা গৈছে ৷