ৰীমা দাসলৈ আন এক সন্মান; জাগৰণ চলচ্চিত্ৰ মহোৎসৱত শ্ৰেষ্ঠ পৰিচালকৰ বঁটা

পুনৰ আন এক সন্মান বুটলিবলৈ সক্ষম হৈছে চলচ্চিত্ৰ পৰিচালিকা ৰীমা দাসে। মুম্বাইত অনুষ্ঠিত দশম জাগৰণ চলচ্চিত্ৰ মহোৎসৱত দাসৰ বুলবুল কেন ছিং ছবিখনে শ্ৰেষ্ঠ পৰিচালকৰ সন্মান লাভ কৰে।

ৰীমা দাসে পশ্চিম বংগৰ বিশিষ্ট চলচ্চিত্ৰ পৰিচালিকা অপৰ্না সেনৰ সৈতে যুটীয়াভাৱে লাভ কৰিছে এই বঁটা।

অপৰ্না সেনে তেওঁৰ ছবি ‘ঘৰে বাইৰে আজ’ ছবিখনৰ বাবে শ্ৰেষ্ঠ চলচ্চিত্ৰ পৰিচালকৰ বঁটা লাভ কৰে।

বিশিষ্ট চলচ্চিত্ৰ নিৰ্মাতাগৰাকীৰ সৈতে যুটীয়াভাৱে বঁটা লাভ কৰি উৎফুল্লিত হৈ পৰা ৰীমা দাসে ফেচবুক পষ্টত কয়, ‘বিশিষ্ট চলচ্চিত্ৰ নিৰ্মাতা অপৰ্ণা সেনৰ সৈতে এই বঁটা লাভ কৰাটো মোৰ বাবে এক ডাঙৰ সন্মান’।

‘মোক এই সন্মান দিয়াৰ বাবে বিচাৰক আৰু মহোৎসৱক কৃতজ্ঞগতা জনাইছো। লগতে বঁটা লাভ কৰা সকলোলৈকে আন্তৰিক আন্তৰিক অভিনন্দন’ তেওঁ লগতে কয়।

উল্লেখযোগ্য যে ৰীমা দাসৰ ‘ভিলেজ ৰকষ্টাৰ্ছ’ ছবিখনেও যোৱাবাৰ এই মহোৎসৱত শ্ৰেষ্ট চলচ্চিত্ৰৰ সন্মান লাভ কৰিছিল।

যোৱা ২০ ছেপ্টেম্বৰত অসমৰ ছবিগৃহ সমূহত বুলবুল কেন ছিং ছবিখনে মুক্তি লাভ কৰে।