আৰু কিমান মান হানি হয় ৰিণিকী ভূঞা শৰ্মাৰ! এইবাৰ লুৰীনজ্যোতি গগৈৰ বিৰুদ্ধে গোচৰ তৰিলে মুখ্যমন্ত্ৰীৰ পত্নীয়ে

অসম জাতীয় পৰিষদৰ নেতা লুৰীনজ্যোতি গগৈৰ বিৰুদ্ধে কামৰূপ মহানগৰ জিলা মুখ্য ন্যায়িক দণ্ডাধীশৰ আদালতত মান হানিৰ গোচৰ ৰুজু কৰিলে মুখ্যমন্ত্ৰী হিমন্ত বিশ্ব শৰ্মাৰ পত্নী তথা অসমৰ প্ৰখ্যাত উদ্যোগী ৰিনিকী ভূঞা শৰ্মাই।

২০২৫ চনৰ ২৬ ছেপ্টেম্বৰত এখন সংবাদমেলৰ সময়ত গগৈয়ে ৰিণিকী ভূঞা শৰ্মা আৰু তেখেতৰ কোম্পানী গোল্ডেন থেৰ্ডছ সম্পৰ্কে কৰা এক প্ৰশ্নবোধক মন্তব্যৰ বিৰুদ্ধে এই মানহানিৰ গোচৰ তৰিছে ৰিণিকী ভূঞা শৰ্মাই।

ৰিণিকী ভূঞা শৰ্মাৰ মতে, তেওঁৰ ভাবমূৰ্তি বিনষ্ট কৰাৰ লগতে গোল্ডেন থ্ৰেডছ অৱ আছামৰ বদনাম কৰিবলৈ উক্ত সংবাদমেল আয়োজন কৰা হৈছিল।

ৰিণিকী ভূঞা শৰ্মাই দাখিল কৰা গোচৰ ৫১২/২০২৫ ৰ অধীনত ৰুজু হৈছে।

জানিব পৰা মতে অহা ৩০ অক্টোবৰত এই গোচৰৰ শুনানি হ’ব।

ৰিণিকী ভূঞা শৰ্মাৰ হৈ অধিবক্তা কিশোৰ কুমাৰ দত্তই কয়, ‘২০২৫ চনৰ ২৬ ছেপ্টেম্বৰত অসম জাতীয় পৰিষদৰ সভাপতি লুৰীণজ্যোতি গগৈয়ে মোৰ ক্লায়েণ্ট আৰু তেওঁৰ কোম্পানী দ্য গোল্ডেন থ্ৰেডছ অৱ আছামৰ বিৰুদ্ধে মিছা আৰু ভিত্তিহীন দাবী উত্থাপন কৰিছিল। এই মহোৎসৱৰ সৈতে কোম্পানীটোক জড়িত কৰিবলৈ লুৰীনজ্যোতি গগৈয়ে কৰা বক্তব্য সম্পূৰ্ণ মিছা।