নাগালেণ্ডত নতুনকৈ ৯৪ গৰাকী লোক কোভিড প’জিটিভ; মুঠ আক্ৰান্তৰ সংখ্যা ৫৮৬২ গৰাকীলৈ বৃদ্ধি
নাগালেণ্ডত শনিবাৰৰ দিনটোত নতুনকৈ ৯৪ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰে। ইয়াৰ ফলত ৰাজ্যখনত ক’ৰ’না আক্ৰান্ত লোকৰ সংখ্যা ৫৮৬২ গৰাকীলৈ বৃদ্ধি পায়।
নাগালেণ্ডৰ স্বাস্থ্য মন্ত্ৰী এছ পাংগায়নু ফোমে ছ’চিয়েল মিডিয়াযোগে ৰাজ্যখনৰ শেহতীয়া কোভিড আপডেট প্ৰকাশ কৰি ৫৭৪ টা নমুনাৰ পৰীক্ষাৰ ভিতৰত ৰাজ্যখনত ৯৪ গৰাকী ক’ৰ’না প’জিটিভ লোক চিনাক্ত হয় বুলি জানিবলৈ দিয়ে।
‘‘আপডেট! ৫৭৪ টা ক’ৰ’না পৰীক্ষাৰ ভিতৰত ৯৪ গৰাকী লোক ক’ৰ’না প’জিটিভ ধৰা পৰিছে,’’ স্বাস্থ্য মন্ত্ৰী ফোমে ছ’চিয়েল মিডিয়াত এইদৰে লিখে।
নতুনকৈ ক’ৰ’না প’জিটিভ হোৱা ৯৪ গৰাকী লোকৰ ভিতৰত ৫১ গৰাকী কহিমা, ৩৯ গৰাকী ডিমাপুৰ, দুগৰাকী মুককচুং আৰু এগৰাকীকৈ ক্ৰমে মুন আৰু ফেক জিলাৰ।
আনহাতে, নাগালেণ্ডত বিগত ২৪ ঘণ্টাত ৮৯ গৰাকী লোক চিকিৎসাৰ অন্তত ক’ৰ’না ভাইৰাছৰ পৰা আৰোগ্য লাভ কৰি সুস্থ হৈ উঠে।
ইয়াৰ ভিতৰত ৬৫ গৰাকী ডিমাপুৰৰ আৰু ২৪ গৰাকী কহিমাৰ।
নাগালেণ্ডত বৰ্তমান ১,০৮৮ গৰাকী সক্ৰিয় কোভিড ৰোগী চিকিৎসাধীন হৈ থকাৰ বিপৰীতে এতিয়ালৈ ১১ গৰাকী লোকে প্ৰাণ হেৰুৱাইছে।
You may also like
দিল্লীত ছাউনি ৰণচণ্ডী অগপৰ, ধাৱমান উত্তৰ-পূবৰ সকলো সেনাপতি
ৰাজ্যসভাত গেৰুৱা দলৰ বিৰুদ্ধে নাগৰিকত্ব বিধেয়কৰ ৰণত বিৰোধীৰ সমৰ্থন গোতোৱাৰ বাবে নতুন দিল্লীৰ ছাউনিত টঙালি বান্ধি গোট খাইছে অগপৰ সকলো শীৰ্ষ নেতা।…
ভাল খবৰ! ৰাজ্যত ক’ৰ’ণামুক্ত হ’ল ১৮৫ গৰাকী লোক : নতুনকৈ ২২ গৰাকী মুক্ত
ৰাজ্যত অপ্ৰতিৰোধ্য ক’ৰ’নাৰ সংক্ৰমণ। কিন্তু তাৰ মাজতে এক ভাল খবৰ। আজিৰ দিনটোত ৰাজ্যত ক’ৰ’ণামুক্ত হৈছে ২২ গৰাকী লোক। ইয়াৰে ১৬ গৰাকী মহেন্দ্ৰ…
বিশ্বৰ ২৫ শতাংশ দেশত হ্ৰাস পাইছে নাৰীৰ অধিকাৰ : দাবী ৰাষ্ট্ৰসংঘৰ
বিশ্বৰ ২৫% দেশত শোচনীয়ভাবে হ্ৰাস পাইছে মহিলাৰ অধিকাৰ। শেহতীয়াকৈ এই তথ্য প্ৰকাশ কৰিছে ৰাষ্ট্ৰসংঘৰ মহিলা সংস্থা ইউএন উইমেনে। বৃহস্পতিবাৰে প্ৰকাশ পোৱা এক…
আপৰ শীৰ্ষ নেতাৰে ১০০ কোটি টকাৰ চুক্তি হৈছিল কে কবিতাৰ : দাবী ইডিৰ
ভাৰত ৰাষ্ট্ৰ সমিতিৰ নেতা তথা তেলেংগানাৰ প্ৰাক্তন মুখ্যমন্ত্ৰী কে চন্দ্ৰশেখৰ ৰাওৰ কন্যা কে কবিতাই দিল্লীৰ মুখ্যমন্ত্ৰী অৰবিন্দ কেজৰিৱাল আৰু মনীষ চিছ’দিয়াকে ধৰি…