ঋষভ পন্তৰ সৈতে জড়িত হৈছে ঈশা নেগীৰ নাম; কোন এই ৰহস্যময়ী সুন্দৰী?

গুঞ্জনৰ পৰা বাতৰিৰ মাজলৈ কোনোৱে নহয় কোনোৱে সদায় আলোচনাৰ কেন্দ্ৰবিন্দুত থাকে। সম্প্ৰতি এনে এটা নামক লৈ ব্যাপক চৰ্চা চলি আছে, যিটো বাতৰিৰ শিৰোনামত আহিছে। এতিয়া আপুনি নিশ্চয় ভাবিছে, এইটো কাৰ নাম? তেতিয়াহ’লে শুনক, এইটো নাম ঈশা নেগী।

হয়, ঈশা নেগী এতিয়া চৰ্চাৰ কেন্দ্ৰবিন্দুত আছে। বহুতে জানিব বিচাৰে, ঈশা কোন? ঈশা নেগী এগৰাকী জনপ্ৰিয় ছ’চিয়েল মিডিয়াৰ প্ৰভাৱশালী তথা মডেল। কেৱল সৌন্দৰ্য্যৰ বাবেই নহয়, ব্যক্তিত্ব আৰু প্ৰতিভাৰ বাবেও তেওঁ পৰিচিত। ১৯৯৭ চনৰ ২০ ফেব্ৰুৱাৰীত জন্মগ্ৰহণ কৰিছিল ঈশা। পৰিয়ালৰ কথা ক’বলৈ গ’লে ঈশাৰ দেউতাক এজন সফল ব্যৱসায়ী।

সম্প্ৰতি ঈশা নেগীৰ ব্যক্তিগত জীৱনক লৈ চৰ্চা চলি আছে। বিশেষকৈ তেওঁৰ নাম ভাৰতীয় ক্ৰিকেটাৰ ঋষভ পন্তৰ সৈতে জড়িত। কিছুমান বাতৰিত ঈশা আৰু ঋষভ ইজনে সিজনৰ লগত ডেটিং কৰি আছে বুলি দাবী কৰা হৈছে। অৱশ্যে এতিয়ালৈকে কোনো পক্ষৰ পৰা ৰাজহুৱা সঁহাৰি পোৱা হোৱা নাই।

কিন্তু ছ’চিয়েল মিডিয়াত এই দুজনৰ বিষয়ে আলোচনা বন্ধ নহয়। বহুতে ভাবে যে তেওঁলোকৰ মাজত এক বিশেষ সম্পৰ্ক আছে। ঋষভ পন্তৰ ছ’চিয়েল মিডিয়া পোষ্টত ঈশা নেগীয়ে প্ৰায়ে মন্তব্য কৰা দেখা যায়। ইয়াৰ ফলত আৰু অধিক জল্পনা-কল্পনাৰ সৃষ্টি হৈছে।

ছচিয়েল মিডিয়াত যথেষ্ট সক্ৰিয় ঈশা নেগী। ইনষ্টাগ্ৰামত তেওঁৰ লক্ষাধিক ফ’ল’ৱাৰ আছে। নিয়মিতভাৱে তেওঁৰ ছবি আৰু ভিডিঅ’ ভাইৰেল হৈ থাকে। আনকি, ঈশাৰ ষ্টাইল আৰু ফেশ্বন চেঞ্চ যুৱ প্ৰজন্মৰ মাজত যথেষ্ট জনপ্ৰিয়।