জাগীৰোডৰ মনহাত ভয়ংকৰ পথ দুৰ্ঘটনাত নিহত এজন, আহত দুজন

জাগীৰোডৰ মনহাত ভয়ংকৰ পথ দুৰ্ঘটনা। ট্ৰাক আৰু বাইকৰ মুখা মোখি সংঘৰ্ষ ফলত নিহত এজন আহত দুজন। নিহত জনৰ  নাম সুৰজিত দাস(৩৫)।

আহত দুজনক ঝাৰগাঁও চিকিৎসালয়লৈ প্ৰেৰণ কৰা হৈছে।যোৱা  সন্ধিয়া জাগীৰোড আৰক্ষী থানাৰ অন্তৰ্গত ভকতগাঁও-নাৰেঙ্গী নতুন পথটোৰ মনহা কছাৰী গাঁও পামৰ ঠাইত ভকতগাঁও অভিমুখী বালি ভৰ্তি এএছ- ০১- বিচি- ৭৬২৫ নম্বৰ ট্ৰাক খনৰ লগত বিপৰীতমুখী এএছ- ০৯এ-০৭১৫ নম্বৰৰ বাইকৰ সৈতে মুখামুখি সংঘৰ্ষৰ ফলত সুৰজিত দাস নামৰ যুৱকজন (৩৫) থিতাতে নিহত হয়।

আনহাতে দূৰ্ঘটনাত গুৰুত্বৰ ভাবে আহত কৃষ্ণ দাস(৪৭) আৰু সুকন দাস(৪৫) ক স্থানীয় ভি ডি পিৰ সদস্যই ততাতৈয়াকৈ ঝাৰগাঁও চিকিৎসালয়লৈ প্ৰেৰণ কৰে।

ইফালে ঘটনাস্থলীত জাগীৰোড আৰক্ষী উপস্থিত হৈ নিহত লোকজনৰ মৃতদেহ মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালয়লৈ প্ৰেৰণ কৰা বুলি জানিব পৰা গৈছে ।

উল্লেখ্য যে তিনিওজনৰে ঘৰ ঝাৰগাঁৱৰ শিমলুতলা গাঁৱত ।