তামুলপুৰৰ দ্বাৰকুছিত পথ দুৰ্ঘটনা, আহত ২ যুৱক

বাক্সা জিলাৰ তামুলপুৰ আৰক্ষী থানাৰ অন্তৰ্গত গান্ধীবাৰী আৰক্ষী চকীৰ অধীনৰ দ্বাৰকুছিত ১২৭ নং (ডি) ৰঙিয়া-তামুলপুৰ-ভুটান আন্তঃৰাষ্ট্ৰীয় সীমা সংযোগী পথত শুকুৰবাৰে সন্ধিয়া সংঘটিত এক ভয়াৱহ পথ দুৰ্ঘটনাত ২জন যুৱক গুৰুতৰভাৱে আহত হয়।

ঘটনাৰ বিৱৰণী মতে সন্ধিয়া তামুলপুৰৰ ডুমৰীয়া গাওঁ নিবাসী আজমল হকে (২৪) তেওঁৰ নিজা বাইকখনেৰে ৰঙিয়াৰ পৰা ঘৰলৈ ওভতাৰ সময়তে দ্বাৰকুছি চকত ৰাষ্টা পাৰ হ’বলৈ ধৰা অৱস্থাত মনন শীল নামৰ ব্যক্তিজনক নিয়ন্ত্ৰণ হেৰুৱাই পিছপিনৰ পৰা খুন্দা মাৰে।

ফলত শীল আৰু বাইক আৰোহী আজমল হক গুৰুতৰভাৱে আহত হয়।

লগে লগে স্থানীয় লোকে আহত যুৱক দুজনক উদ্ধাৰ কৰি ৰঙিয়া হস্পিতেললৈ প্ৰেৰণ কৰে।

ঘটনাৰ খবৰ পাই গান্ধীবাৰী আৰক্ষী চকীৰ ভাৰপ্ৰাপ্ত বিষয়া ৰাজেন বড়োৰ নেতৃত্বত আৰক্ষী দল ঘটনাস্থলীত উপস্থিত হয় আৰু  বাইকখন উদ্ধাৰ কৰি গান্ধীবাৰী আৰক্ষী চকীলৈ লৈ যায়।