মুক্তি পালে ‘দ্য ডায়েৰী অফ ওৱেষ্ট বেংগল’ ছবিৰ ট্ৰেইলাৰ; পৰিচালকলৈ আইনী জাননী

পৰিচালক সুদীপ্ত সেনৰ ছবি ‘দ্য কেৰেলা ষ্ট’ৰী’ক লৈ বিতৰ্ক শেষ নৌহওতেই পশ্চিমবংগত এখন নতুন ছবিক লৈ পুনৰ আৰম্ভ হৈছে বিতৰ্ক। ছবিখনৰ নাম ‘দ্য ডায়েৰী অফ ওৱেষ্ট বেংগল’ এই হিন্দী ছবিখনৰ পৰিচালনা সনোজ মিশ্ৰৰ।

এই ছবিখনৰ ট্ৰেইলাৰ নেট জগতত বিয়পি পৰাৰ লগে লগে তৎপৰ হৈ পৰিল পশ্চিমবংগৰ পুলিচ। পৰিচালক সনোজলৈ পোনপটীয়াকৈ এখন আইনী জাননী প্ৰেৰণ কৰা হৈছে।

অভিযোগ উত্থাপন হৈছে যে এই ছবিখনৰ জৰিয়তে পশ্চিমবংগৰ সন্মানক ক্ষুণ্ণ কৰাৰ চেষ্টা কৰা হৈছে। আমহাৰ্ষ্ট ষ্ট্ৰীট থানাত সোধা-পোছাৰ বাবেও পৰিচালকগৰাকীক মাতি পঠোৱা হৈছে।

লগতে পঢ়ক: হাস্পাতালত সংকটজনক অৱস্থাত দিল্লীৰ প্ৰাক্তন মন্ত্ৰী সত্যেন্দ্ৰ জৈন; অন্তৰ্ৱতী জামিন উচ্চতম ন্যায়ালয়ৰ

পৰিচালক সনোজ মিশ্ৰ মুম্বাইৰ বাসিন্দা। মুম্বাইৰ ওছিৱাৰা থানাৰ আৰক্ষীৰ জৰিয়তে পৰিচালকলৈ আইনী জাননী প্ৰেৰণ কৰা হৈছে। বংগ আৰক্ষীৰ ফালৰ পৰা তাৎক্ষণিক সঁহাৰি বিচৰা হৈছে।

বাতৰি অনুসৰি,  ছবিখনৰ পৰিচালক সনোজে কয় যে ‘’এই ছবিখন পশ্চিমবংগক বদনাম কৰিবলৈ নিৰ্মাণ কৰা হোৱা নাই। আমি তথ্য দাঙি ধৰিছো। পুংখানুপুংখ গৱেষণাৰ অন্তত ছবিখন নিৰ্মাণ কৰা হৈছে।”

ট্ৰেইলাৰত দেখা গৈছে ছবিখনত পশ্চিমবংগত ঘটা কিছুমান ঘটনাৰ পৰা সংগ্ৰহ কৰা ভিডিঅ’ ব্যৱহাৰ কৰা হৈছে। এই ভিডিঅ’ত চৰিত্ৰবোৰে বংগৰ ৰাজনীতিৰ লগত জড়িত ব্যক্তিত্বৰ দৰে সংলাপ কয়।

লগতে পঢ়ক: বৈবাহিক জীৱনত দীৰ্ঘদিন ধৰি সংগীক যৌন সংগমৰ পৰা বঞ্চিত কৰাটো মানসিক নিষ্ঠুৰতা: আদালত

মুখ্যমন্ত্ৰী মমতা বেনাৰ্জীৰ আৰ্হিত এটা চৰিত্ৰও ট্ৰেইলাৰত দেখা গৈছে। ছবিখনৰ প্ৰযোজক জিতেন্দ্ৰ নাৰায়ণ সিং, তপস মুখাৰ্জী আৰু অচিন্ত্য বসু। ছবিখনৰ ট্ৰেইলাৰত নতুন অপৰিচিত অভিনেতাসকলক দেখা গৈছে।