দৰঙত সামাজিক মৰ্যাদা তথা আচৰণ ভংগৰ অভিযোগত বিদ্যালয়ৰ প্ৰধান শিক্ষকক নিলম্বন
বিদ্যালয় পৰিচলনা সমিতিৰ সভাত আপত্তিজনক খাদ্য সম্ভাৰ ব্যৱহাৰ কৰি শৈক্ষিক মৰ্যাদা তথা সমাজিক আচৰণ ভংগ কৰাৰ অভিযোগত দৰঙৰ জিলা প্ৰাথমিক শিক্ষা বিভাগে এখন নিম্ন প্ৰাথমিক বিদ্যালয়ৰ এগৰাকী প্ৰধান শিক্ষকক নিলম্বিত কৰিছে।
সামাজিক প্ৰতিক্ৰিয়া আৰু সংবাদ মাধ্যমৰ বাতৰিৰ পিছত চলোৱা এক প্ৰাথমিক বিভাগীয় তদন্তত জানিব পৰা গৈছিল যে যোৱা ১৫ অক্টোবৰত বিদ্যালয়ৰ পৰিচালনা সমিতি গঠনৰ সভাৰ সময়ত বিদ্যালয়ৰ ৰান্ধনী গৃহত আপত্তিজনক খাদ্য সম্ভাৰ ৰান্ধি ভোজভাত খোৱাৰ বিপৰীতে ছাত্ৰ-ছাত্ৰীসকলক তেওঁলোকৰ মধ্যাহ্ন ভোজনৰ পৰা বঞ্চিত কৰা হৈছিল।
যোৱা সোমবাৰে এই সমস্ত কথা পোহৰলৈ আহে।
এই ঘটনা সংঘটিত কৰাৰ অপৰাধত দৰং জিলাৰ দলগাঁও শিয়ালমাৰি শিক্ষা খণ্ডৰ প্ৰাথমিক শিক্ষা খণ্ড কাৰ্যালয়ৰ অধীনৰ দক্ষিণ দুলীয়াপাৰা এল পি স্কুলৰ প্ৰধান শিক্ষক মহম্মদ নাছিৰুদ্দিন আহমেদক শীঘ্ৰে কাৰ্যকৰী হোৱাকৈ চাকৰিৰ পৰা নিলম্বিত কৰা হৈছে।
আনহাতে, জানিব পৰা মতে সমগ্ৰ ঘটনাটো সন্দৰ্ভত এতিয়াও বিভাগীয় তদন্ত প্ৰক্ৰিয়া চলি আছে।
You may also like
মুখ্যমন্ত্ৰী হৈয়ে প্ৰথমখন সংবাদমেল সম্বোধন হিমন্ত বিশ্ব শৰ্মাৰ, কি কি বিশেষ কথা ক’লে তেওঁ?
মুখ্যমন্ত্ৰীৰ আসনখন অলংকৃত কৰি অৰ্থ্যাৎ ৰাজ্যপালৰ উপস্থিতিত শপত গ্ৰহণ কৰিয়েই সম্বোধন কৰা সংবাদমেলত আলফাৰ মুখ্য সেনাধ্যক্ষ পৰেশ বৰুৱালৈ বিশেষ আহ্বান জনায় মুখ্যমন্ত্ৰী…
কাগজকল পুনৰুজ্জীৱিত কৰাৰ বাবে মই নিজে ব্যৱস্থা গ্ৰহণ কৰিম: ৰাজ্যপাল
মৰিগাঁৱৰ জাগিৰোডস্থিত নগাঁও কাগজকল পুনৰিজ্জীৱিত কৰাৰ উদ্দেশ্যে কাগজকল মজদুৰ সংঘৰ এটা সজাতি দলে শণিবাৰে ৰাজভৱনত অসমৰ ৰাজ্যপাল জগদীশ মুখীক সাক্ষাত কৰে। কাগজকলটো…
ভয়ংকৰ পথ দুৰ্ঘটনাই প্ৰাণ কাঢ়ি নিলে এজন যুৱকৰ, আন এজন গুৰুতৰভাৱে আহত
বোকাখাত মহকুমাৰ ৰাজাবাৰীৰ ৩৭ নং ৰাষ্ট্ৰীয় ঘাইপথত আজি পুৱা সংঘৰ্টিত হয় এক শোকাবহ পথ দুৰ্ঘটনা। দুৰ্ঘটনাটোত এজন স্কুটী আৰোহী থিতাতে নিহত হোৱাৰ…
ডুমডুমাত তীব্ৰ বেগী ডাম্পাৰৰ খুন্দাত ছাত্ৰৰ কৰুণ মৃত্যু
তিনিচুকীয়া জিলাৰ ডুমডুমাত আজি সংঘটিত এক শোকাৱহ পথ দুৰ্ঘটনাত এজন ছাত্ৰই প্ৰাণ হেৰুৱাবলগীয়া হোৱাক কেন্দ্ৰ কৰি অঞ্চলটোত এক উত্তেজনাপূৰ্ণ পৰিস্থিতিৰ সৃষ্টি হয়।…