৫ ছেপ্তেম্বৰৰ পৰা স্কুল-কলেজ খোলাৰ সিদ্ধান্ত এইখন ৰাজ্যৰ
ক’ৰ’না মহামাৰীৰ ভয়াৱহতাৰ প্ৰতি লক্ষ্য ৰাখি কেইবা মাহৰ পৰা দেশৰ প্ৰতিখন সুকল, কলেজ, বিশ্ববিদ্যালয় বন্ধ হৈ আছে।
ইয়াৰ মাজতে অন্ধ্ৰ প্ৰদেশ চৰকাৰে স্কুল-কলেজ সমূহ অতি শীঘ্ৰে খুলিব বুলি জানিব দিয়ে।
অন্ধ্ৰপ্ৰদেশ চৰকাৰে সিদ্ধান্ত লোৱা অনুসৰি যদি সকলো ঠিকে থাকে তেন্তে ৫ ছেপ্তেম্বৰৰ পৰা ৰাজ্যৰ স্কুল-কলেজসমূহ খুলিব পাৰিব।
ৰাজ্যখনৰ শিক্ষা মন্ত্ৰী আদিমুলাপু সুৰেশে কয় যে চৰকাৰে স্কুল-কলেজ কোলাৰ বাবে সিদ্ধান্ত লৈছে যদিও সেই সময়ৰ পৰিস্থিতিৰ ওপৰত ভিত্তি কৰিহে চূড়ান্ত সিদ্ধান্ত লোৱা হ’ব।
শিক্ষা মন্ত্ৰী গৰাকীয়ে লগতে কয় যে স্কুল নোখোলা পৰ্যন্ত মিড ডে মিলৰ বিপৰীতে ছাত্ৰ-ছাত্ৰীসকলক শুকান ৰেচন প্ৰদান কৰা হ’ব।
ইক্ষা সন্দৰ্ভত কেইবাটাও গুৰুত্বপূৰ্ণ মন্তব্য কৰি তেওঁ লগতে অহা শিক্ষা বৰ্ষৰ পৰা স্কুল সমূহত এল কে জি আৰু য়ু কে জিও আৰম্ভ কৰিব বুলি জনায়।
আনহাতে অন্ধ্ৰ প্ৰদেশ EAMCET, JEE, IIIT ৰ প্ৰিপাৰেশ্যনৰ বাবে প্ৰশিক্ষণৰ ব্যৱস্থাও গ্ৰহণ কৰাৰ সিদ্ধান্ত লৈছে অন্ধ্ৰ প্ৰদেশ চৰকাৰে।