জন্মৰ দিনতে গুৱাহাটীত ‘আত্মহত্যা’ কংগ্ৰেছ নেতাৰ

গুৱাহাটীৰ এ আই দি চিস্থিত নিজ ঘৰত বুধবাৰে নিজৰ জন্মদিনৰ দিনাই “আত্মহত্যা” কৰিছে ব্যৱসায়ী তথা কংগ্ৰেছ নেতা অনুপম বৰদলৈয়ে।

নিজ ঘৰৰ এটা কোঠাত চিপ লৈ ওলমি থকা অৱস্থাত বুধবাৰে ৰাতিপুৱা উদ্ধাৰ কৰা হয় বৰদলৈৰ মৃতদেহ, আৰক্ষীৰ দাবী।

মৃতদেহটোৰ পৰা এখন চিঠি উদ্ধাৰ কৰা বুলি দাবী কৰিছে আৰক্ষীয়ে। প্ৰাৰম্ভিক অনুসন্ধানে ঘটনাটো আত্মহত্যা বুলিয়ে ইংগিত দিছে যদিও মৰণোত্তৰ প্ৰতিবেদন আৰু তদন্তৰ পিছতহে এই বিষয়ে নিশ্চিত কৰিব আৰক্ষীয়ে।

“আমি এটা গোচৰ ৰুজু কৰি অনুসন্ধান কৰি আছো,” চিঠিখনৰ বিষয়ে একো সদৰী কৰিব নুখুজি নৰ্থ ইষ্ট নাও-ত এই মন্তব্য তদন্তকাৰী আৰক্ষীৰ।

বৰদলৈ কংগ্ৰেছৰ জ্যেষ্ঠ নেতা যদিও তেওঁ দলীয় কোনো বিষয়বাব নাছিল বুলি জানিব পৰা গৈছে।

১৯৯৯ চনত তেওঁ গায়িকা আৰু সংগীতজ্ঞ চিন্ময়ী বৰদলৈক বিয়া পাতিছিল।

ফে’চবুকত বুধবাৰে ০০:২০ বজাত তেওঁ কৰিছিল অন্তিমটো প’ষ্ট

১৮ ডিচেম্বৰত তেওঁৰ আন এটা ফে’চবুক প’ষ্ট

‘১৮ ডিচেম্বৰত বৰদলৈয়ে কৰা আন এটা প’ষ্ট

তথ্য মতে বৰদলৈয়ে পণ্ডিচেৰি কেন্দ্ৰীয় বিশ্ববিদ্যালয়ৰ পৰা এম বি এ কৰিছিল।

গুৱাহাটী বাণিজ্য মহাবিদ্যালয়ৰ পৰা স্নাতক উত্তীৰ্ণ বৰদলৈয়ে স্কুলীয়া শিক্ষা লৈছিল খানাপাৰাৰ কেন্দ্ৰীয় বিদ্যালয়ত।

ৰতাৰি ক্লাবৰ সদস্য বৰদলৈ স্মাৰ্ত ইন্সতিতিউট অৱ লাৰ্নিঙৰ (তাতা ইন্সতিতিউট অৱ চ’চিয়েল চায়েন্সৰ হাব)ও সঞ্চালক আছিল।