Farm Law গণতন্ত্ৰক হানি কৰি পুঁজিপতিক সহায় কৰা আইন যাতে দ্বিতীয় বাৰ নাহে: দেৱব্ৰত শইকীয়া

Farm Law অৱশেষত জয়ী হ’ল দেশৰ প্ৰতিবাদী কৃষক। তিনিখন কৃষি আইন প্ৰত্যাহাৰৰ কথা  ঘোষণা কৰিলে প্ৰধানমন্ত্ৰী মোদীয়ে।

শুকুৰবাৰে দেশবাসীক উদ্দেশ্যি প্ৰধানমন্ত্ৰী মোদীয়ে দিয়া ভাষণত বৃহৎ ঘোষণা কৰি সমগ্ৰ দেশতে তোলপাৰ লগোৱা তিনি কৃষি আইন প্ৰত্যাহাৰৰ কথা ঘোষণা কৰে।

কৃষকক সকলো আন্দোলন প্ৰত্যাহাৰ কৰি ঘৰলৈ উভতি যাবলৈ আহ্বান জনায় মোদীয়ে। ২০২০ চনত কেন্দ্ৰীয় চৰকাৰে এই ৩ খন কৃষি আইন গৃহীত কৰিছিল। তাৰ পাছৰে পৰাই দেশৰ ভিন্ন প্ৰান্তৰ কৃষকসকলে ইয়াৰ বিৰোধিতাৰে প্ৰতিবাদত নামি পৰিছিল।

এই কৃষি আইন বাতিল হোৱাৰ পাছতেই বিৰোধী দলপতি দেৱব্ৰত শইকীয়া এই বিষয়ে প্ৰতিক্ৰিয়া আগবঢ়াইছে।

Also Read: Farm Law জয় কিষাণ! অৱশেষত বাতিল কৃষি আইন; কৃষকক পথাৰলৈ ঘুৰি অহাৰ আহ্বান মোদীৰ

তেওঁ কয়, “গণতন্ত্ৰক হানি কৰি পুঁজিপতিক সহায় কৰা আইন যাতে দ্বিতীয় বাৰ নাহে। আমাৰ দেশৰ মূল শক্তিৰ ভিতৰত কৃষকৰ শক্তি অন্যতম। নৰেন্দ্ৰ মোদীৰ এই বিজেপি চৰকাৰখনে বলপূৰ্বকভাবে ৩ খন আইন আনিছিল। লগতে মূল্যবৃদ্ধিৰ বিৰুদ্ধে চৰকাৰী নিয়ন্ত্ৰণৰ আইনখনো বাতিল কৰিছিল এইখন বিজেপি চৰকাৰে।‘’

তেওঁ কয় যে এই আইনৰ বিৰুদ্ধে কৃষকে আন্দোলন কৰাৰ লগতে বিৰোধীয়েও প্ৰতিবাদ কৰা দেখা পোৱা গৈছিল যাৰ ফলত উচ্চতম ন্যায়ালয়ে ২০২১ চনত এই আইন তিনিখন বলবৎ কৰাত বাধা প্ৰয়োগ কৰিছিল।

উল্লেখ্য যে ৭০০শতকৈও অধিক কৃষকে চৰকাৰৰ বিৰুদ্ধে শান্তিপূৰ্ণ কাৰ্য্যসূচী গ্ৰহণ কৰাৰ পাছতো তেখেতসকলৰ মাজত প্ৰাণ হানি হোৱা দেখা পোৱা গ’ল।

Also Read: Teachers Cruelty বিদ্যালয়ত শিশু ছাত্ৰক তালিবানী শাস্তি শিক্ষকৰ; হাজোৰ বামুন্দীত প্ৰতিক্ৰিয়া

শেহতীয়াকৈ লখিমপুৰতো শান্তিপূৰ্ণভাবে কৃষক সকলে কৰা প্ৰতিবাদত গুলিচালনা কৰিছিল কেন্দ্ৰীয় গৃহ দপ্তৰৰ ৰাজ্য মন্ত্ৰীৰ পুত্ৰই।

শইকীয়াই  লগতে কয়, ‘’কৃষকৰ ওপৰত এইখন বিজেপি চৰকাৰে ব্ৰিটিছৰ নিচিনা অত্যাচাৰ চলোৱা দেখা পোৱা গৈছে। অৱশেষত এইখন বিজেপি চৰকাৰে এই আইন কেইখন কৃষক বিৰোধী অৰ্থনীতি বিৰোধী বুলি মানিবলৈ বাধ্য হ’ল।‘’