স্থান নে মান হেৰুৱাইছে? বিশ্বনাথত কিয় গেৰুৱা দলত যোগদান কৰিছে অগপ-অজাপৰ কৰ্মীয়ে?
বিশ্বনাথত বিজেপিত এতিয়া জোৱাৰ উঠিছে যোগদান কাৰ্যসূচীৰ। বিভিন্ন ৰাজনৈতিক দলৰ পৰা বিভিন্নজন আহি যোগদান কৰিছে বিজেপিত।
কেৱল কংগ্ৰেছ দলৰ পৰাই নহয়, বিশ্বনাথত এতিয়া আঞ্চলিকতাবাদী তথা জাতীয়তাবাদী শিবিৰ ত্যাগ কৰি গেৰুৱা বসন পিন্ধিছে বহু নেতা কৰ্মীয়ে।
সৌ সিদিনা বিশ্বনাথত এক যোগদান কাৰ্যসূচীত সভাপতিসহ সম্পূৰ্ণ এটা পঞ্চায়ত, বিশ্বনাথ জিলা কংগ্ৰেছৰ সাধাৰণ সম্পাদকসহ বিভিন্ন জাতীয় দল-সংগঠনৰ নেতাকৰ্মীয়ে আনুষ্ঠানিকভাবে ভাৰতীয় জনতা পাৰ্টীত যোগদান কৰাৰ ঢৌ মাৰ নৌযাওতেই আজি পুনৰ বিশ্বনাথ বিজেপিত উঠিছে যোগদানৰ জোৱাৰ।
লগতে পঢ়ক: ছেক্স-ভিডিঅ’ চ্যাট ফাদিল! যৌন কেলেংকাৰীত অভিযুক্ত বাংলাদেশী কূটনীতিকক তলব ঢাকাৰ
আজি বিশ্বনাথৰ লেহুগাঁও গাঁও পঞ্চায়তত বিশ্বনাথ গ্ৰাম্য মণ্ডলৰ সৌজ্যনত এক বিশেষ যোগদান কাৰ্যসূচী অনুষ্ঠিত হয়।
অনুষ্ঠানত বিহালী সমষ্টিৰ বিধায়ক তথা প্ৰাক্তন মন্ত্ৰী ৰঞ্জিত দত্ত, বিশ্বনাথৰ বিধায়ক প্ৰমোদ বৰঠাকুৰ, বিশ্বনাথ জিলা সভাপতি পংকজ বৰা,কিষাণ মৰ্চাৰ সভাপতি ভাষ্কৰ হাজৰিকা,জিলা পৰিষদৰ সদস্য সত্যেন্দ্ৰ হাজৰিকাৰ লগতে যুৱ মৰ্চাৰ জিলা সভাপতি দেৱজিৎ বৰাকে ধৰি বহু লোক উপস্থিত আছিল।
সভাত অসম গণ পৰিষদৰ হৈ ২৬ বছৰে সেৱা আগবঢ়োৱা তথা প্ৰাক্তন আঞ্চলিক পঞ্চায়তৰ সদস্য আৰু গাঁও পঞ্চায়তৰ প্ৰাক্তন সভাপতি কন্দৰ্প হাজৰিকাকে ধৰি অসম গণ পৰিষদ, অসম জাতীয় পৰিষদ তথা কংগ্ৰেছৰ বিষয়ববীয়াই বিজেপিত যোগদান কৰে।
লগতে পঢ়ক: SBIৰ IMPSত লেনদেনৰ সীমা বৃদ্ধি, লগোৱা হব বৰ্দ্ধিত চাৰ্জ; কাইলৈৰ পৰা সলনি হব এইবোৰ নিয়ম
আনহাতে, ৰাজ্যসভাৰ নিৰ্বাচনৰ দুয়োখন আসনতে বিজেপিয়ে জয় লাভ কৰিব, কংগ্ৰেছ AIUDF একেলগে থাকিও ৰাজ্যসভাৰ আসন দখল কৰিব নোৱাৰে বুলি মন্তব্য কৰে উক্ত সভাত উপস্থিত থকা বিহালী সমষ্টিৰ বিধায়ক ৰঞ্জিত দত্তই।