টকা দি ফিল্ম এৱাৰ্ড কিনে শ্বাহৰুখ খানে! এগৰাকী অভিনেত্ৰীৰ বিস্ফোৰক অভিযোগ
বলীউডৰ বাদশ্বাহ শ্বাহৰুখ খান। গোটেই পৃথিৱীয়ে তেওঁক কিং খান নামেৰে চিনি পায়। এতিয়া এইগৰাকী বলীউডৰ ছুপাৰষ্টাৰৰ নামত উত্থাপিত হৈছে এক বিস্ফোৰক অভিযোগ। জনপ্ৰিয় হিন্দী ধাৰাবাহিকৰ অভিনেত্ৰী শ্বামা চিকন্দৰে শেহতীয়াকৈ দাবী কৰিছে যে শ্বাহৰুখ খানে ধনৰ বিনিময়ত ফিল্মী বঁটা ক্ৰয় কৰে।
শেহতীয়াকৈ এক সাক্ষাৎকাৰত অভিনেত্ৰীগৰাকীয়ে প্ৰত্যক্ষভাৱে শ্বাহৰুখ খানৰ নাম উল্লেখ কৰি কয় যে শ্বাহৰুখ খানে নিজেই মুকলিকৈ কৈছে যে তেওঁ টকাৰে কেইবাটাও ফিল্মী বঁটা ক্ৰয় কৰিছে। অভিনেত্ৰীগৰাকীৰ মতে, শ্বাহৰুখে সংকোচ নকৰাকৈ কৈছে যে তেওঁ টকাৰে কেইবাটাও ফিল্মী বঁটা ক্ৰয় কৰিছে। কেবল সৎ হোৱাই যথেষ্ট নহয়, এইটো কোৱাৰ বাবে দম লাগিব!”
লগতে পঢ়কঃ কাৰ্যালয়ৰে ৫৮ জন পুৰুষৰ সৈতে শাৰীৰিক সম্পৰ্ক, ৭২ কোটি টকা উৎকোচ! ‘সুন্দৰী’ গৱৰ্ণৰৰ কাণ্ড…
এই দেশত ফিল্মী বঁটা কিনাটো নতুন কথা নহয় বুলিও কয় শ্বামাই। বহু বছৰ ধৰি এইটো চলি আহিছে। বলীউডৰ বহু ছুপাৰষ্টাৰে এই ধৰণৰ ফিল্মি বঁটা কেৱল টকাৰ বিনিময়ত কিনিছে। লগতে এই অভিনেত্ৰীগৰাকীয়ে দাবী কৰে যে এসময়ত এই ফিল্মী বঁটা লাভ কৰিলে তাৰকাসকল বহুত প্ৰশংসিত হৈছিল।
কিন্তু এতিয়া সকলো টকাৰ খেল। এনে বঁটা অনুষ্ঠান মূলতঃ এতিয়া মুনাফা লুটাৰ স্থানত পৰিণত হৈছে। সেয়ে এতিয়া এই অনুষ্ঠানবোৰত এজন তাৰকাই কিমান দামী পোছাক পিন্ধিছিল বা কেনেকৈ সাজিকাছি আহিছিল সেই কথাক লৈ কোনেও মূৰ নঘমায়। কিন্তু প্ৰশ্ন হয়, সঁচাকৈয়ে বলীউডৰ কিং খান শ্বাহৰুখে টকাৰে বঁটা ক্ৰয় কৰে?
লগতে পঢ়কঃ ভাৰতত ৪.২৫ লাখ কোটি টকাৰ বিবাহ! চলিত বৰ্ষৰ শেষৰ পিনে প্ৰায় ডেৰ মাহতে ব্যয় হ’ব এই টকা
দৰাচলতে এবাৰ এটা সাক্ষাৎকাৰত বলীউডৰ বাদশ্বাহে কৈছিল যে তেওঁ ‘বাজিগৰ’ চিনেমাত অভিনয়ৰ বাবে লাভ কৰা ফিল্মফেয়াৰ বঁটাটো টকা দি কিনিছিল। যদিও শ্বাহৰুখে সেইদিনা ধেমালিতে এই কথা কৈছিল। প্ৰসংগক্ৰমে শ্বাহৰুখে কেইবাদশকজোৰা অভিনয় জীৱনত মুঠ ৩০০ টা ফিল্মী বঁটা লাভ কৰিছে। এই বিষয়ত কেইবাটাও সাক্ষাৎকাৰত অভিনেতাগৰাকীয়ে কয় যে তেওঁৰ ৯ মহলীয়া কাৰ্যালয়ৰ প্ৰতিটো মহলাতে তেওঁৰ অভিনয় জীৱনত লাভ কৰা কোনো নহয় কোনো বঁটাৰ সজোৱা আছে।