দেশৰ জনপ্ৰিয় সংগীত বেণ্ড ‘শ্বিলং চেম্বাৰ কইৰ’ৰ প্ৰতিষ্ঠাপক প্ৰসিদ্ধ সংগীতজ্ঞ নীল নংকিনৰিহৰ মৃত্যু
দেশৰ জনপ্ৰিয় সংগীত বেণ্ড ‘শ্বিলং চেম্বাৰ কইৰ’ৰ প্ৰতিষ্ঠাপক আৰু প্ৰসিদ্ধ সংগীতজ্ঞ নীল নংকিনৰিহৰ আৰু নাই।
বুধবাৰে মুম্বাইত শেষ নিশ্বাস ত্যাগ কৰে এইগৰাকী প্ৰসিদ্ধ সংগীতজ্ঞই। প্ৰায় এক দশক আগতে এটা ৰিয়েলিটি টিভি শ্ব’ৰ জৰিয়তে এছচিচিক ৰাষ্ট্ৰীয় খ্যাতিলৈ লৈ যোৱা ৫২ বছৰীয়া সংগীত পৰিচালক আৰু সুৰকাৰগৰাকীক অসুস্থতাৰ বাবে মুম্বাইৰ ৰিলায়েন্স চিকিৎসালয়ত ভৰ্তি কৰোৱা হৈছিল।
আজি চিকিৎসাধীন অৱস্থাতে তেওঁৰ মৃত্যু ঘটে।
সংগীত বেণ্ডটোৰ এগৰাকী সদস্যই সাংবাদিকৰ আগত কয়—”তেওঁক কালি চিকিৎসালয়ত ভৰ্তি কৰোৱা হৈছিল আৰু অস্ত্ৰোপচাৰৰ পিছত আজি সন্ধিয়া মৃত্যু ঘটে,” ।
নীল নংকিনৰিহৰ জন্ম হৈছিল ১৯৭০ চনৰ ৯ জুলাইত মেঘালয়ত।
লণ্ডনৰ ট্ৰিনিটি কলেজত তেওঁ সংগীতৰ শিক্ষা লাভ কৰিছিল।
উল্লেখ্য ২০১৫ চনত নীল নংকিনৰিহৰক পদ্মশ্ৰী বঁটাৰে সন্মানিত কৰা হৈছিল।
শিল্পীগৰাকীৰ মৃতদেহ তেওঁৰ মাতৃভূমি মেঘালয়লৈ অনা হ’ব আৰু শেষকৃত্য সম্পন্ন কৰা হ’ব।
I am saddened beyond words by the sudden demise of Padma Shri Neil Nongkynrih, founder of the famous Shillong Chamber Choir. He was a mentor to the country’s finest choir that serenaded crowds wherever they performed. We have lost a gem today. pic.twitter.com/MiFsJ23Xzm
— Conrad K Sangma (@SangmaConrad) January 5, 2022
মেঘালয়ৰ মুখ্যমন্ত্ৰী কনৰাড চাংমাই নীল নংকিনৰিহৰ মৃত্যুত গভীৰ শোক প্ৰকাশ কৰিছে।
টুইটাৰত মুখ্যমন্ত্ৰী চাংমাই কয় ‘দেশখনে আজি এক ৰত্ন হেৰুৱালে। বিখ্যাত শ্বিলং চেম্বাৰ কয়াৰৰ প্ৰতিষ্ঠাপক পদ্মশ্ৰী নীল নংকিনৰিহৰ আকস্মিক মৃত্যুত শোক প্ৰকাশ কৰিবলৈ মই ভাষা বিচাৰি পোৱা নাই’।