প্ৰাক্তন ক্ৰিকেটাৰ তথা মন্ত্ৰী চেতন চৌহানৰ মৃত্যুৰ চি বি আই তদন্তৰ দাবী আপ, শিৱসেনাৰ
প্ৰাক্তন ক্ৰিকেটাৰ তথা উত্তৰ প্ৰদেশৰ কেবিনে্ট মন্ত্ৰী ৰূপে দায়িত্বভাৰ চলাই থকা চেতন চৌহানৰ কি পৰিস্থিতিত মৃত্যু ঘটিল তাৰ চি বি আই তদন্তৰ দাবী উত্থাপন কৰিছে শিৱসেনা আ্ৰু আম আদমি পাৰ্টিয়ে।
উল্লেখ্য যে ১৬ আগষ্টত ক’ভিড-১৯ত আক্ৰান্ত হৈ চৌহানৰ মৃত্যু ঘটিছিল।
শিৱসেনা দলে চৌহানৰ মৃত্যু চিকিৎসাৰ গাফিলতিৰ বাবে সংঘটিত হোৱা বুলি অভিযোগ তুলি ইয়াৰ এক উচিত তদন্ত হ’ব লাগে বুলি দাবী উত্থাপন কৰিছিল।
ইফালে ক্ৰিকেটাৰ গৰাকীৰ চিকিৎসাৰ ক্ষেত্ৰত অৱহেলাৰ অভিযোগ তুলি আপৰ সাংসদ সঞ্জয় সিঙেও লক্ষ্ণৌ আৰক্ষী আয়ুক্তলৈ এখ পত্ৰ প্ৰেৰণ কৰাৰ কথা জানিব পৰা গৈছে।
তেওঁ পত্ৰখনৰ জৰিয়তে ৰাজ১খনৰ মুখ্য মন্ত্ৰী যোগী আদিত্যনাথ, চিকিৎসা, শিক্ষা মন্ত্ৰীৰ বিৰুদ্ধে এজাহাৰ দাখিল কৰিবলৈ কয়।
উল্লেখ্য যে প্ৰথম অৱস্থাত চৌহানক লক্ষ্ণৌৰ সঞ্জয় গান্ধী প’ষ্ট গ্ৰেজুৱেট ইনষ্টিটিউট অফ মেডিকেল ছায়েন্সত ক’ভিড-১৯ৰ চিকিৎসা কৰা হৈছিল যদিও পিছক গুৰুগ্ৰামৰ মেডান্ত চিকিৎসালয়লৈ নিয়া হয় আৰু তাতে তেওঁৰ মৃত্যু ঘটে।
ইয়াৰ পিছতে প্ৰাক্তন ক্ৰিকেটাৰ তথা ৰাজনীতিবিদ গৰাকীৰ মৃত্যু সঠিক চিকিৎসাৰ অভাৱৰ ফলত হোৱা বুলি সমাজবাদী পাৰ্টিৰ নেতা সুনীল সিং ছাজানেও অভিযোগ কৰে।
ইফালে জানিব পৰা মতে চৌহানৰ মৃত্যুৰ পিছৰে পৰা তদন্তৰ দাবী উত্থাপন কৰি অহা শিৱসেনাৰ এটা প্ৰতিনিধি দলে ৰাজ্যপালক সাক্ষাৎ কৰি তদন্তৰ দাবী জনাই এখন স্মাৰক পত্ৰ প্ৰদান কৰে।