মাইনাছ ৫১ডিগ্ৰীতো শিক্ষাৰ্থীয়ে পাঠ গ্ৰহণ কৰিছে বিশ্বৰ এই শীতলতম শ্ৰেণীকোঠাত
শ্ৰেণীকোঠাৰ তাপমাত্ৰা প্ৰায়েই মাইনাছ ৫০ ডিগ্ৰীৰ আশে পাশে থাকে। তথাপি আচৰিত কথাটো হ’ল যে এনে ঠাণ্ডাটো শিক্ষাৰ্থী শিশুসকল স্কুললৈ আহে।
বিশ্বৰ অন্যতম শীতল স্থান হিচাপে জনাজাত ছাইবেৰিয়াত আছে বিশ্বৰ এই শীতলতম স্কুলখন।
যেতিয়া তাপমাত্ৰ মাইনাছ ৫২ডিগ্ৰীৰ তললৈ গুচি যায় তেতিয়া ১১বছৰৰ তলৰ শিক্ষাৰ্থীসকলৰ বাবে স্কুল বন্ধ থাকে।
দেশখনৰ ওমায়াকান চহৰত অৱস্থিত স্কুলখনৰ লগতে সেই চহৰখনত ডাকঘৰ তথা বেংকৰ দৰে কিছুমান প্ৰাথমিক সুবিধাও ইয়াত আছে।
তীব্ৰ প্ৰত্যাহ্বানপূৰ্ণ জীৱন যাত্ৰাৰে ভৰা ইয়াত কৰ’না ভাইৰাছৰ প্ৰভাৱো কম নহয়। স্কুললৈ অহা শিক্ষাৰ্থী তথা শিক্ষক-কৰ্মচাৰীসকলৰ সদায় শৰীৰৰ তাপমাত্ৰা পৰীক্ষা কৰা হয়।
যোৱা ৪ ডিচেম্বৰত ৰাতিপুৱা ৯মান বজাত ইয়াৰ তাপমাত্ৰা মাইনাছ ৫১ ডিগ্ৰী ছেলছিয়াছলৈ নামিছিল। ইয়াত গ্ল’ভছ নিপিন্ধিলে কেই মুহূৰ্তমানৰ ভিতৰতে হাত ঠেৰেঙা লাগি যায়।
স্বাভাৱিকতে এনে পৰিৱেসত শিশুসকলৰ বাবে স্কুললৈ অহাটো যথেষ্ট কষ্টকৰ। মাইনাছ ৫০ ডিগ্ৰীৰ তাপমাত্ৰাত হাইপ’থাৰ্মিয়া হোৱাৰ সম্ভাৱনা থাকে। এনে হ’লে দেহৰ তাপমাত্ৰা ক্ষিপ্ৰতাৰে নামিবলৈ আৰম্ভ কৰে।
ইয়াৰ ফলত হৃদস্পন্দন, নাৰ্ভাছনেছ ঘটাৰ লগতে কেতিয়াবা মৃত্যুও ঘটিব পাৰে।