অগপত আনুষ্ঠানিকভাৱে যোগদান “ভোজপুৰী কুইন” খ্যাত কল্পনা পাটোৱাৰীৰ

আজি অগপত আনুষ্ঠানিকভাৱে যোগদান কৰে কন্ঠশিল্পী কল্পনা পাটোৱাৰীয়ে।

যোগদান কৰিয়ে কল্পনাই লাভ কৰিলে দলৰ ব্ৰেণ্ড এম্বেচাদৰৰ দায়িত্ব।

অগপৰ কাৰ্যকৰী সভাপতি কেশৱ মহন্তই ঘোষণা কৰে যে আজিৰে পৰা কল্পনাই অগপৰ ব্ৰেণ্ড এম্বেচাদৰ হিচাপে কাম কৰিব।

সভাপতি অতুল বৰাৰ উপস্থিতিত অগপত যোগদান কৰে কন্ঠশিল্পীগৰাকীয়ে |

যোগদান কৰিয়ে সকলো মহিলাকে ৰাজনীতিত সক্ৰিয়ভাৱে যোগদান কৰিবলৈ আহ্বান জনায় কল্পনা পাটোৱাৰীয়ে।

তেওঁ আৰু কয় “মই পলিটিক্স নকৰিবা বন্ধু বুলি নকওঁ, মই ক’ম পলিটিক্স কৰি যোৱা বন্ধু। অসমত নাৰীসকল অন্য ৰাজ্যৰ তুলনাত ৰাজনীতিত এতিয়াও পিছ পৰি আছে।”

যোগদান কৰি কল্পনাই অগপ জন্মৰ আঁৰৰ কথা সুঁৱৰি আঞ্চলিক ৰাজনীতিৰ গুৰুত্বৰ কথা দোহাৰে।