টীয়কৰ মেলেঙত ৩৭ নং ঘাইপথ সংযোগী পথ মেৰামতিৰ দাবীত অৱস্থান ধৰ্মঘট
যোৰহাট জিলাৰ টীয়কৰ বৃহত্তৰ মেলেং ফেচুৱাল সামাজিক উন্নয়ন যৌথ মঞ্চ আৰু স্থানীয় সমূহ দল সংগঠন তথা ৰাইজৰ সহযোগত এক প্ৰতিবাদী কাৰ্যসূচী ৰূপায়ণ কৰা হয়।
৩৭ নং ৰাষ্ট্ৰীয় ঘাইপথৰ মেলেং-ফেচুৱাল সংযোগী পথ মেৰামতিৰ দাবীত আজি মেলেং চাৰিআলিত এক তিনি ঘন্টীয়া অৱস্থান ধৰ্মঘট কাৰ্যসূচী ৰূপায়ণ কৰা হয়।
উল্লেখযোগ্য যে মেলেং-ফেচুৱাল সংযোগী পথটোৰ নিৰ্মাণৰ দাবী তথা পথটোৰ মেৰামতিৰ নামত এক দুষ্ট চক্ৰই ধন দাবী কৰাৰ অভিযোগ উত্থাপন হৈ আহিছিল।
যোৱা তিনি মাহৰ পূৰ্বেই এই সংক্ৰান্তত স্থানীয় বিধায়িকা গৰাকীক ৰাইজে অৱগত কৰিছিল স্থানীয় ৰাইজে।
ৰাইজে লগেত বিদায়িকা গৰাকীক পথটি যাতায়াতৰ বাবে সুচল কৰিবৰ বাবে আবেদনো জনাইছিল।
কিন্তু আজিকোপতি কোনো ব্যৱস্থা গ্ৰহণ নকৰাত সমূহ দল-সংগঠন, স্থানীয় ৰাইজ একত্ৰিত হৈ এই ধৰ্মঘট কাৰ্যসূচী গ্ৰহণ কৰে।
যদি ক্ষিপ্ৰ গতিত এই পথছোৱাৰ মেৰামতি কৰি নোতোলে তেন্তে পৰৱৰ্তী সময়ত অধিক জংগী প্ৰতিবাদী কাৰ্যসূচী গ্ৰহণ কৰিব বুলি জনপ্ৰতিনিধিৰ লগতে সংশ্লিষ্ট বিভাগক সকীয়নি প্ৰদান কৰিছে প্ৰতিবাদী সকলে।