শিৱসাগৰত ভাৰতৰত্ন অটল বিহাৰী বাজপেয়ীৰ সোঁৱৰণত শ্ৰদ্ধাঞ্জলি, বৃক্ষৰোপণ

শিৱসাগৰত দেওবাৰে স্বৰ্গদেউ শিৱসিংহ সাপ্তহিক বজাৰ কমিটিৰ উদ্যোগত আৰু ৰেচকিউৰ সহযোগত ভাৰত ৰত্ন তথা প্ৰাক্তন প্ৰধান মন্ত্ৰী অটল বিহাৰী বাজপেয়ীৰ সোঁৱৰণত শ্ৰদ্ধাঞ্জলি জনোৱাৰ লগতে বৃক্ষ ৰোপণ কাৰ্যসূচী অনুষ্ঠিত কৰা হয়।

উল্লেখযোগ্য যে শিৱসাগৰৰ নামতিয়াল পথাৰত থকা শিৱসিংহ উদ্যানত দেওবাৰে পুৱা শিৱসিংহ সাপ্তাহিক বজাৰ কমিটিৰ বিষয়ববীয়া আৰু ৰেচকিউৰ কৰ্মকৰ্তা সকলে প্ৰথমতে উদ্যানখন চাফ-চিকুণ কৰে।

পিছত বিষয়ববীয়া আৰু ৰেচকিউৰ কৰ্মকৰ্তা সকলে প্ৰাক্তন প্ৰধান মন্ত্ৰী গৰাকীৰ সোঁৱৰণত এক শ্ৰদ্ধাঞ্জলি অনুষ্ঠান আয়োজন কৰে আৰু লগতে উদ্যানখনৰ চাৰিওফালে বৃক্ষ ৰোপণ কৰে।

আনহাতে এই শ্ৰদ্ধাঞ্জলি আৰু বৃক্ষ ৰোপণ কাৰ্যসূচীত উপস্থিত থাকে শিৱসাগৰ জিলা বিজেপিৰ সভাপতি ভৱেন্দ্ৰ নাথ মহন।