শিৱসাগৰত বিজেপিৰ অনুসূচীত জাতি মৰ্চাৰ ঘৰে ঘৰে যোৱাৰ কাৰ্যসূচী আৰম্ভ

শিৱসাগৰত ভাৰতীয় জনতা পাৰ্টীৰ নিৰ্বাচনী কুছকাৱাজ আৰম্ভ হ’ল।

আজিৰে পৰা আৰম্ভ হ’ল বিজেপিৰ ঘৰে ঘৰে যোৱা কাৰ্যসূচী। ৰাজ্যৰ ৩৯ খন সাংগঠনিক জিলাত আজিৰে পৰা একে লগে আৰম্ভ হব বিজেপিৰ অনুসূচীত জাতি মৰ্চাৰ ঘৰে ঘৰে যোৱাৰ কাৰ্যসূচী।

শিৱসাগৰ জিলাৰ বিজেপিৰ অনুসূচীত জাতি মৰ্চাৰ উদ্যোগত জিলাখনৰ অনুসূচীত জাতি প্ৰধান গাওঁসমুহত আৰম্ভ হয় ঘৰে ঘৰে যোৱাৰ কাৰ্যসূচী।

উক্ত কাৰ্যসূচীত অংশগ্ৰহণ কৰে বিজেপিৰ অনুসূচীত জাতি মৰ্চাৰ ৰাজ্যিক সভাপতি নবাৰণ মেধীয়ে।

১০৮ নং শিৱসাগৰ বিধান সভা সমষ্টিৰ অন্তৰ্গত দিচাংপাৰ, ৰজাবাৰী দৰিকা, পলশনি, অখৈফুটীয়া, চৰগুৱা, চমৰাজান আদিকে ধৰি অনুসূচীত জাতি প্ৰধান  বিভিন্ন অঞ্চলৰ লোকৰ ঘৰে ঘৰে গৈ ৰাইজৰ লগত মত বিনিময় কৰে ৰাজ্যিক সভাপতি গৰাকীয়ে।

স্থানীয় ৰাইজে  এই কাৰ্যসূচীৰ সময়তে অনুসূচীত জাতিৰ বিভিন্ন সমস্যাৰ সন্দৰ্ভত অৱগত কৰে।

আজিৰ কাৰ্যসূচীত বিজেপিৰ শিৱসাগৰ জিলাৰ সভানেত্ৰী সুৰভি ৰাজকুমাৰী, ৰাজ্যিৰ এচচি মৰ্চাৰ উপ সভাপতি ভাস্কৰজ্যোতি দাস,  দিচাংপাৰ গাওঁ পঞ্চায়তৰ সভাপতি বিনোদ দাসকে ধৰি দলৰ বহু বিষয় ববীয়া উপস্থিত থাকে।