কোৱাৰেণ্টাইন কেন্দ্ৰলৈ সুৰা আৰু ড্ৰাগছৰ যোগান; ছয় গৰাকী লোকক আটক

কোৱাৰেণ্টাইন কেন্দ্ৰলৈ ড্ৰাগছ আৰু সুৰা যোগান ধৰাৰ অপৰাধত মিজোৰাম আৰক্ষীয়ে অলপতে ছয় গৰাকী যুৱকক গ্ৰেপ্তাৰ কৰে।

জানিব পৰা মতে, মিজোৰামৰ আইজলত হোম কোৱাৰেণ্টাইনত থকা এগৰাকী ২২ বছৰীয়া যুৱকে তেওঁৰ এ টি এম কাৰ্ডখন তিনিজন অন্য যুৱকক দিয়ে আৰু সেই যুৱক কেইজনে কোৱাৰেণ্টাইনত থকা যুৱকজনক সুৰাৰ যোগান ধৰি আহিছিল।

আৰক্ষীয়ে কোৱাৰেণ্টাইনত থকা যুৱকজনক সুৰাৰ যোগান ধৰা যুৱক তিনিজনক কৰায়ত্ত কৰে আৰু তেওঁলোকৰো শ্বোৱাব পৰীক্ষাৰ বাবে সংগ্ৰহ কৰা হয়।

মিজোৰাম আৰক্ষীয়ে সুৰাৰ যোগান ধৰা যুৱক তিনিজনৰ লগতে কোৱাৰেণ্টাইনত থকা যুৱক জনৰ বিৰুদ্ধেও গোচৰ ৰুজু কৰিছে।

অন্য এটা ঘটনাত খাতলা ইষ্ট কমিউনিটি কোৱাৰেণ্টাইন কেন্দ্ৰত কোৱাৰেণ্টাইনত থকা এগৰাকী ৩৩ বছৰীয়া ব্যক্তিয়ে গোপনে অন্য এগৰাকী ব্যক্তিৰ পৰা ড্ৰাগছ সংগ্ৰহ কৰি আহছিল বুলি জানিব পৰা গৈছে।

যদিও ড্ৰাগছৰ যোগান ধৰা ব্যক্তি গৰাকীৰ ফলাফল ক’ৰ’না নিগেটিভ আহিছে তথাপি তেওঁকো বৰ্তমান কোৱাৰেণ্টাইনত ৰখা হৈছে।

মিজোৰামত বৰ্তমানলৈ ১০৪ গৰাকী ব্যক্তি ক’ৰ’নাত আক্ৰান্ত হৈছে।