ভুৱনেশ্বৰ কুমাৰৰ ঠাইত অখ্যাত বাঁওহতীয়া বেগী বলাৰ পৃথ্বি ৰাজ য়াৰা

ছানৰাইজাৰ্ছ হায়দৰাবাদে জ্যেষ্ঠ বেগী বলাৰ ভুৱনেশ্বৰ কুমাৰৰ ঠাইত অখ্যাত বাঁওহতীয়া বেগী বলাৰ পৃথ্বি ৰাজ য়াৰাক দলত অন্তৰ্ভু্ক্ত কৰিছে।

ছানৰাইজাৰ্ছে ২২ বছৰীয়া পৃথ্বি ৰাজৰ অন্তৰ্ভুক্তিৰ কথা নিশ্চিত কৰি কয়, ‍‘আঘাতৰ বাবে আই পি এলৰ ২০২০ৰ পৰা বাহিৰ হৈছে ভুৱনেশ্বৰ কুমাৰ। তেওঁ শীঘ্ৰে সুস্থ হৈ উঠাটো কমনা কৰো। ছিজনৰ অৱশিষ্ট সময়খিনিত পৃথ্বি ৰাজে ভুৱনেশ্বৰৰ স্থান ল’ব’।

এই পৰ্যন্ত ১১খন প্ৰথম শ্ৰেণীৰ মেচত ৩৯টা উইকেট দখল কৰা অন্ধ্ৰপ্ৰদেশৰ বলাৰ পৃথ্বি ৰাজে অন্তিম বৰ্ষত কলকাতা নাইট ৰাইডাৰ্ছৰ হৈ খেলিছিল।

যু এ ইত অতি শীঘ্ৰে তেওঁ দলৰ সৈতে যোগ দিব বুলি ছানৰাইজাৰ্ছ কৰ্তৃপক্ষই জনাইছে।

উল্লেখ্য যে চেন্নাই ছুপাৰ কিংছৰ বিৰুদ্ধে খেলা এখন মেচত আঘাতপ্ৰাপ্ত হৈছিল ভুৱনেশ্বৰ। তেওঁ নিতম্বৰ আঘাতৰ বাবে চলিত ছিজনৰ পৰা বাহিৰ হ’ব লগা হৈছে।

চলিত ছিজনত ভুৱনেশ্বৰ কুমাৰে ৪ খন খেলত ৮৫ টা বল কৰি ৯৯ ৰানত ৩ টা উইকেট দখল কৰিছে।