Supreme Court on banned firecrackers কঠোৰ উচ্চতম ন্যায়ালয়; নিষিদ্ধ আতচবাজী ফুটিলে দায়বদ্ধ হ’ব আৰক্ষী, প্ৰশাসন
Supreme Court on banned firecrackers উচ্চতম ন্যায়ালয়ে নিষিদ্ধ আতচবাজীৰ ব্যৱহাৰ ৰোধ কৰিবলৈ অধিক কঠোৰ পদক্ষেপ গ্ৰহণ কৰিছে।
শুকুৰবাৰে সকলো ৰাজ্য আৰু কেন্দ্ৰীয় শাসিত অঞ্চলক দেশৰ সৰ্বোচ্চ আদালতখনে নিষিদ্ধ আতচবাজীৰ বিক্ৰী, প্ৰস্তুত তথা ব্যৱহাৰ ৰোধ কৰিবলৈ যাৱতীয় নিৰ্দেশনা মানিবলৈ সকীয়াই দিছে।
যদি এই নিৰ্দেশনা পালনত ব্যৰ্থ হয় তেতিয়া সংশ্লিষ্ট ৰাজ্যৰ মুখ্য সচিব, আৰক্ষী আয়ুক্ত, আৰক্ষী অধীক্ষক বা আৰক্ষী বিষয়াসকলে ব্যক্তিগতভাৱে দায়িত্ব ল’ব লাগিব।
ন্যায়াধীশ এম আৰ শ্বাহ আৰু এ এছ বোপান্নাৰ খণ্ড বিচাৰপীঠে জনায় যে আদালতে যি নিৰ্দেশ দিছে সেয়া কোনেও ভংগ কৰিব নোৱাৰিব। উৎসৱ উদযাপনৰ নামত আইন ভংগ কৰিব নোৱাৰিব।
অৱশ্যে সকলোধৰণৰ আতচবাজী নিষিদ্ধ নহয়। উৎসৱৰ সময়ত গ্ৰীণ আতচবাজী ব্যৱহাৰ কৰিব পাৰিব।
ইপিনে, এনে নিৰ্দেশৰ মাজতে দিল্লীত অহা ১ জানুৱাৰীলৈকে গ্ৰীণ আতচবাজীকে ধৰি সকলোধৰণৰ আতচবাজী নিষিদ্ধ কৰা হৈছে। প্ৰদূষণ ৰোধৰ বাবেই এনে ব্যৱস্থা লোৱা হৈছে।
কোভিডৰ বাবে উৰিষ্যাতো সকলোধৰণৰ আতচবাজীৰ ব্যৱহাৰ নিষিদ্ধ কৰা হৈছে।