ক্ষমতাৰ মোহ এৰেনো কেনেকৈ? মুখ্যমন্ত্ৰীৰ বিৰোধী শূন্য চক্ৰান্তত ভৰি থৈ হাত এৰি পদুম তুলি ল’লে সুশান্তই

বিজেপি এতিয়া শাসনত আছে তাতে আকৌ মুখ্যমন্ত্ৰীৰ চকীত ড০ হিমন্ত বিশ্ব শৰ্মা এনে ক্ষেত্ৰত ক্ষমতাৰ মোহ এৰেনো কেনেকৈ?

মুখ্যমন্ত্ৰীৰ বিৰোধী শূন্য কৰাৰ চক্ৰান্তত হাত উজান দি মৰিয়নীৰ ৰূপজ্যোতি কুৰ্মীৰ পাছতে কংগ্ৰেছ এৰি গাত গেৰুৱা বসন পিন্ধিলে থাওৰাৰ সুশান্ত বৰগোহাঁইয়ে।

আজি ৰাজ্যিক বিজেপিৰ সভাপতি ভৱেশ কলিতাৰ উপস্থিতিত হেঙেৰাবাৰীস্থিত বিজেপি ভৱনত গাত গেৰুৱা বসন পিন্ধিলে সুশান্তই।

যোগদান কৰাৰ পাছত ভাষণ প্ৰদান কৰি সুশান্ত বৰগোহাঁইয়ে কয় ‘‘ভবাই নাছিলো ৩০ বছৰৰ পাছত কংগ্ৰেছ এৰিবলগীয়া হ’ব।মই কংগ্ৰেছ দল ত্যাগ কৰিছো গতিকে কংগ্ৰেছ দলৰ আভ্যন্তৰীণ কি আছে নাই সেয়া এই মুহূৰ্তত কব বিচৰা নাই। কংগ্ৰেছ দল আগুৱাই যোৱাটোৱেই বিচাৰো।‘

কংগ্ৰেছ আৰু AIUDF দলৰ মিত্ৰতা সন্দৰ্ভত কওঁ ‘অসমত অসমীয়া ৰাইজে সেই মিত্ৰতা নস্যাৎ কৰিছে আৰু মই তেতিয়াও কৈছিলো যদি মিত্ৰতা নহ’লহেঁতেন উজনি অসমত কংগ্ৰেছৰ আসন বাঢ়িলহেঁতেন।‘

‘মই বি জে পি ত যোগদান কৰিছো কিছু সংখ্যক মোৰ সমষ্টিৰ ৰাইজে দুখ কৰিব কিন্তু মোৰ ব্যক্তিগত স্বাৰ্থৰ বাবে নহয় সমষ্টিৰ উন্নয়নৰ বাবেহে বি জে পি ত যোগদান কৰিছো।‘ সুশান্তই এইদৰে কয়।

তেওঁ লগতে কয় ‘যদি কংগ্ৰেছতেই থাকিলো হয় তেন্তে ১০ বছৰ পিছত মোৰ সমষ্টিবাসীয়ে মোক প্ৰশ্ন কৰিব উন্নয়ন সন্দৰ্ভত তথা মই কিয় বিজেপিত যোগদান নকৰিলো?  তেতিয়া মোৰ হাতত একো উত্তৰ নাথাকিব।‘

‘গতিকে মই এই সিদ্ধান্ত লৈছো কেৱল সমষ্টি ৰাইজৰ কথা ভাবিয়েই। আজি দলত যোগদান কৰিছো গতিকে উপ- নিৰ্বাচন খেলিম নে নাই সেয়া দলেহে নিৰ্ধাৰণ কৰিব।‘ সুশান্তই এইদৰে কয়।

এনেদৰেই এতিয়া কংগ্ৰেছ এৰি বিজেপিলৈ সোঁত ব’বলৈ আৰম্ভ কৰিছে বহু নেতাৰ।

কিছুদিন পাছতে ভবানীপুৰ সমষ্টিৰ AIUDF ৰ বিধায়ক ফণীধৰ তালুকদাৰে।