Rajkanya Baruah ‘ড্ৰাংক এণ্ড হিট’ কাণ্ড; তাজ ভিভান্টাক কাৰণ দৰ্শোৱাৰ জাননী
Drunk & Hit Case: যোৱা ১ অক্টোবৰৰ নিশা হোটেলখনত হোৱা অনুষ্ঠান সম্পৰ্কে ২৪ঘন্টাৰ ভিতৰত তথ্য দাখিল কৰিবলৈ মহানগৰীৰৰ বিলাসী হোটেল তাজ ভিভান্টাক কাৰণ দৰ্শোৱাৰ জাননী জাৰি কৰিছে।
সেইদিনা নিশাই মডেল ৰাজকন্যা বৰুৱাই মহানগৰীৰ জি এছ ৰোডৰ ৰুক্মিনী গাঁৱত গাড়ীৰে খুন্দিয়াই ৯জনকৈ শ্ৰমিকক আহত কৰিছিল।
কামৰূপ মহানগৰ জিলা প্ৰশাসনে হোটেল কৰ্তৃপক্ষক সেই নিশা হোটেলখনত হোৱা পাৰ্টিৰ সময় তথা তাত উপস্থিত থকা অতিথি আৰু আয়োজক সম্পৰ্কত বিস্তৃত তথ্য দাঙি ধৰিবলৈ নিৰ্দেশ দিছে।
কামৰূপ মহানগৰ জিলাৰ উপায়ুক্ত বিশ্বজিৎ পেগুৱেও সংবাদ মাধ্যমৰ আগত প্ৰকাশ কৰে যে যদি হোটেল কৰ্তৃপক্ষই দিয়া উত্তৰ সন্তোষজনক নহয়, তেতিয়াহ’লে অনুসন্ধানৰ বাবে এটা তদন্তকাৰী দল প্ৰেৰণ কৰা হ’ব।
Also read : Drunk & Hit Case: চিকিৎসক নৱনীল বৰুৱাক ৰাজকন্যাই দিয়া ভাবুকি ভৰা whatsapp msg কি আছিল ডিজিপিৰ ভূমিকা?
কোভিড বিধি অমান্য কৰি তথা সান্ধ্য আইন চলি থকাৰ মাজতে হোটেলখনত ১ অক্টোবৰৰ নিশালৈকে পাৰ্টি চলি থকাৰ অভিযোগ উঠিছে।
ৰুক্মিনীগাঁৱত দুৰ্ঘটনা সংঘটিত কৰা মডেল ৰাজকন্যা বৰুৱা সেইদিনা হোটেলখনৰ পাৰ্টিৰ পৰাই উভতি আহিছিল বুলি কোৱা হৈছে।
গ্ৰেপ্তাৰ হোৱা ২৪ ঘন্টাৰ ভিতৰতে জামিন লাভ কৰি ৰাজকন্যাই হোটেলখনত অনুষ্ঠিত এটা জন্মদিনৰ পাৰ্টিৰ পৰা উভতি অহাৰ কথা তেওঁৰ ইনষ্টাগ্ৰাম প’ষ্টত উল্লেখ কৰিছিল।