প্ৰায় ৬৫০ গৰাকী নাৰীৰ সৈতে ঘনিষ্ঠতা, লিপ্ত হৈছিল শাৰীৰিক সম্পৰ্কতো; কোন এই ক্ৰিকেটাৰ?

এনে এটা  সময় আছিল যেতিয়া ৱেষ্ট ইণ্ডিজৰ ক্ৰিকেট দলটোক দেখি সকলোৱে ভয় খাইছিল। ৱেষ্ট ইণ্ডিজৰ ক্ৰিকেট দলটোত আৰু এটা কথা চাবলগীয়া আছিল। সেইটোৱে হৈছে ক্ৰিকেটাৰসকলৰ জীৱনশৈলী। ৱেষ্ট ইণ্ডিজৰ বেছিভাগ ক্ৰিকেটাৰেই পছন্দ কৰে বিতৰ্কিত জীৱনশৈলী। তেনে এজন ক্ৰিকেটাৰ হৈছে টিনো বেষ্ট।

ৱেষ্ট ইণ্ডিজৰ এই প্ৰাক্তন পেচাৰ তথা গেইল, ব্ৰাভো আৰু পোলাৰ্ডৰ সতীৰ্থগৰাকীয়ে ২০১৬ চনত তেওঁৰ আত্মজীৱনী ‘মাইণ্ড দ্য উইণ্ডোজ: মাই ষ্ট’ৰী’ প্ৰকাশ কৰিছিল। তাতেই তেওঁ প্ৰায় ৬৫০ গৰাকী মহিলাৰ শয্যাসংগিনী হোৱাৰ কথা উল্লেখ কৰিছিল।

আনকি সেইবাবেই তেওঁ নিজকে ‘ব্লেক ব্ৰেড পিট’ বুলিও উল্লেখ কৰে। তেওঁ নিজকে পৃথিৱীৰ আটাইতকৈ ধুনীয়া তপা মূৰৰ পুৰুষ বুলিও অভিহিত কৰে।

তেওঁ লিখিছে, মই নাৰীক ভাল পাওঁ। তেওঁলোকেও মোক ভাল পায়। মই নিজকে পৃথিৱীৰ আটাইতকৈ ধুনীয়া তপা মূৰৰ পুৰুষ বুলি গণ্য কৰোঁ। বহুতে ধেমালিতে মোক ব্লেক ব্ৰেড পিট বুলি কয়।

তেওঁ লগতে কয় যে তেওঁ নাৰীসকলৰ সৈতে ডেটিং কৰি আৰু শাৰীৰিক সম্পৰ্ক স্থাপন কৰি ভাল পায়। ইতিমধ্যে তেওঁ ৫০০ৰ পৰা ৬৫০ গৰাকী মহিলাৰ সৈতে শাৰীৰিক সম্পৰ্ক স্থাপন কৰিছে।

শেষত বেষ্টে কয় যে তেওঁ মহিলাৰ সৈতে যৌন সম্পৰ্ক স্থাপন কৰিলেও বা তেওঁলোকৰ সৈতে ডেটিঙলৈ গ’লেও তেওঁ কেতিয়াও খেলত ইয়াৰ প্ৰভাৱ পৰিব দিয়া নাই।

তেওঁ স্বীকাৰ কৰে যে ৰাতিপুৱা সাৰ পোৱাৰ পিছত নিশা কি হৈছিল তাৰ কোনো প্ৰভাৱ তেওঁৰ ওপৰত নাথাকে। টিনো বেষ্টে দাবী কৰিছিল যে ৱেষ্ট ইণ্ডিজ ক্ৰিকেট দলত তেওঁতকৈ কঠোৰ অনুশীলন কোনেও কৰিব নোৱাৰে।

তেওঁ ২০১৪ চনত ৱেষ্ট ইণ্ডিজৰ দলৰ হৈ অন্তিমখন আন্তঃৰাষ্ট্ৰীয় মেচ খেলিছিল। টিনো বেষ্টে দেশৰ হৈ তিনিটা ফৰ্মেটতে ক্ৰিকেট খেলিছিল। ইয়াৰ ভিতৰত ২৫খন টেষ্ট, ২৩খন এদিনীয়া আৰু ৬খন টী-২০ খেলিছিল। অৱশ্যে খেলপথাৰৰ বাহিৰত বিভিন্ন কাণ্ডৰ বাবে তেওঁ সদায় চৰ্চাত আছিল।

উল্লেখ্য যে ৱেষ্ট ইণ্ডিজৰ ক্ৰিকেট দলটোৱে বৰ্তমান কঠিন সময়ৰ মাজেৰে পাৰ হৈছে। এইবাৰ তেওঁলোকে এদিনীয়া  ক্ৰিকেট বিশ্বকাপৰ বাবে যোগ্যতাই অৰ্জন কৰিব নোৱাৰিলে। আনকি যোৱা বছৰ অষ্ট্ৰেলিয়াত অনুষ্ঠিত হোৱা টী-২০ ক্ৰিকেট বিশ্বকাপতো তেওঁলোকক দেখা যোৱা নাছিল।