সাংসদ ইউছুফ পাথানৰ বিৰুদ্ধে চৰকাৰী ভূমি দখলৰ অভিযোগ, চৰকাৰে জাৰি কৰিছে জাননী

পশ্চিম বংগৰ বাহাৰামপুৰৰ নৱনিৰ্বাচিত তৃণমূল সাংসদ ইউছুফ পাথানৰ বিৰুদ্ধে উত্থাপন হৈছে চৰকাৰী ভূমি দখল কৰাৰ অভিযোগ।

অভিযোগ অনুসৰি গুজৰাটৰ বদোদৰা পৌৰসভাৰ চৰকাৰী ভূমিত তেওঁ অবৈধভাৱে এখন দেৱাল স্থাপন কৰিছে। ইতিমধ্যে পৌৰসভাই তেওঁক এখন জাননী প্ৰেৰণ কৰিছে। শীঘ্ৰে দেৱাল আঁতৰাবলৈ নিৰ্দেশ দিয়া হৈছে প্ৰাক্তন ক্ৰিকেটাৰগৰাকীক।

জানিব পৰা মতে, ৬ জুনত বদোদৰা পৌৰসভাৰ পৰা ইউছুফ পাঠানলৈ এখন জাননী প্ৰেৰণ কৰা হৈছিল। বদোদৰা পৌৰসভাৰ স্থায়ী সমিতিৰ অধ্যক্ষ শীতল মিষ্ট্ৰীয়ে কয় যে ২০১২ চনত গুজৰাট চৰকাৰে ইউছুফক ৯৭৮ বৰ্গমিটাৰ মাটি বিক্ৰী কৰাৰ প্ৰস্তাৱ নাকচ কৰিছিল। তথাপিও সেই মাটিত তেওঁ এখন দেৱাল সাজিছিল।

বৃহস্পতিবাৰে বদোদৰাৰ বিজেপি কৰ্পৰেটৰ বিজয় পাৱাৰে সংবাদ মাধ্যমৰ আগত কয়, “ইউছুফ পাঠানৰ প্ৰতি আমাৰ কোনো ব্যক্তিগত ক্ষোভ নাই। থানাডালজা অঞ্চলৰ টিপি২২ৰ অধীনত এটুকুৰা মাটি ভিএমচিৰ মালিকানাধীন। পাঠানে ২০১২ চনত ভিএমচিৰ পৰা উক্ত মাটিখিনি দাবী কৰিছিল কাৰণ। তেতিয়াই পাঠানে সেই মাটিৰ বাবে প্ৰতি বৰ্গমিটাৰত ৫৭ হাজাৰ কোটি টকা দিবলৈ ইচ্ছুক আছিল।