বিটিচিত জিলাৰ সংখ্যা পাঁচ খনলৈ বৃদ্ধি, নৱ গঠিত জিলাত উৎসাহ-উদ্দীপনাৰে গণৰাজ্য দিৱস পালন

বিটিচিত জিলাৰ সংখ্যা পাঁচ খনলৈ বৃদ্ধি পালে।

অসমৰ বৰ্ণিল ইতিহাসত সংযোজন হল নতুন জিলা তামুলপুৰ। ৰাজ্যত জিলাৰ সংখ্যা বৃদ্ধি পালে ৩৫ খনলৈ।

বিটিচিত জিলাৰ সংখ্যা হল পাঁচ খন। আজি পুৱা ৮-৫৪ বজাত তামুলপুৰ জিলা প্ৰশাসনৰ উদ্যোগত তামুলপুৰ উচ্চতৰ মাধ্যমিক বিদ্যালয় খেল পথাৰত ৭৩ সংখ্যক গণ ৰাজ্য দিৱসৰ পতাকা উত্তোলন কৰে অসম চৰকাৰৰ মন্ত্ৰী ইউ জি ব্ৰহ্মই।

পতাকা উত্তোলন কৰি দিয়া ভাষণত মন্ত্ৰী গৰাকীয়ে গৌৰৱান্বিত হোৱা বুলি উল্লেখ কৰি ৰাজ্য চৰকাৰৰ জনকল্যাণমুখী আঁচনিৰ কথা উল্লেখ কৰাৰ লগতে জিলা খনক এখন উল্লেখনীয় জিলা হিচাপে গঢ় দিয়া হব বুলি উল্লেখ কৰে।

গণৰাজ্য দিৱসৰ কাৰ্যসূচীত উপস্থিত থাকে তামুলপুৰ জিলাৰ নৱ নিযুক্ত উপায়ুক্ত সীমান্ত কুমাৰ দাস, জিলা আৰক্ষী অধীক্ষক পি যাদৱ, তামুলপুৰৰ বিধায়ক জলেন দৈমাৰী, বিটিচিৰ কাৰ্যবাহী সদস্য ডঃ ধৰ্মনাৰায়ন দাস, ৰণেন্দ্ৰ নাৰ্জাৰী, এমচিএল এ বিজিত গৌৰা নাৰ্জাৰী, হেমন্ত কুমাৰ ৰাভাৰ লগতে জিলা প্ৰশাসনৰ বিষয়া কৰ্মচাৰী সকল উপস্হিত থাকে।