আজি ঘোষিত হ’ল CBSEৰ দশম শ্ৰেণীৰ ফলাফল; কিন্তু এইখন বিদ্যালয়ৰহে নোলাল ফলাফল

আজি ঘোষণা হ’ল CBSE ৰ দশম শ্ৰেণীৰ ফলাফল ৷ কিন্তু ঘোষণা নহ’ল দুধনৈ চেইন্ট পিটাৰ্চ নেচেনেল একাডেমিৰ ফলাফল৷

ফলাফলৰ পৰা বঞ্চিত হ’ল প্ৰায় ১৩৭ গৰাকীকৈ ছাত্ৰ-ছাত্ৰী ৷

ফলাফল নাপাই এতিয়া হতাশাত ভূগিছে ছাত্ৰ-ছাত্ৰীৰ লগতে অভিভাৱকসকলো৷

বিদ্যালয় কৰ্তৃপক্ষই জনোৱা মতে, CBSE বৰ্ডে এতিয়ালৈকে ফলাফল নিদিয়াৰ ক্ষেত্ৰত কোনো জাননী দিয়া নাই ৷

বিদ্যালয় খনৰ অধ্যক্ষই জনোৱা মতে অহা ৭ দিনৰ ভিতৰত ছাত্ৰ-ছাত্ৰী সকলে ফলাফল লাভ কৰিব। কিন্তু এটা সপ্তাহ দেৰিকৈ ফলাফল লাভ কৰিলে ছাত্ৰ-ছাত্ৰী সকলে হয়তো একাংশ শিক্ষানুষ্ঠানত নামভৰ্তি কৰাৰ পৰাও বঞ্চিত হ’ব বুলি অভিভাৱকে আশংকাত ভুগিছে।

বিভিন্নজনে এই সন্দৰ্ভত প্ৰতিক্ৰিয়া প্ৰকাশ কৰি কৈছে যে অতি সোনকালে ফলাফলসমূহ ঘোষণা কৰক আৰু ছাত্ৰ-ছাত্ৰী তথা অভিভাৱকসকলে পাই থকা মানসিক কষ্ট দূৰ কৰক ৷

অভিভাৱক সকলেও অতি শীঘ্ৰেই ফলাফল ঘোষণা কৰাৰ বাবে দাবী জনাইছে।