মূল্যবৃদ্ধিক লৈ উদ্বিগ্ন যোগান মন্ত্ৰী ৰঞ্জিত দাস কিন্তু প্ৰধানমন্ত্ৰী মোদীৰ হাততহে আছে ইয়াৰ নিদান!

Supply Minister Ranjit Das express concerns তামুলপুৰত মিত্ৰ জোঁটৰ প্ৰাৰ্থী জলেন দৈমাৰীৰ হৈ বজাৰে বজাৰে  প্ৰচাৰ চলাই গৈছে যোগান মন্ত্ৰী ৰঞ্জিত দাসে। তাৰ মাজতে সোমবাৰে সংবাদ মাধ্যমৰ আগত দাসে কেইবাটাও গুৰুত্বপূৰ্ণ মন্তব্য কৰে।

ৰাজ্যত পাঁচটা বিধানসভা সমষ্টিত বিজেপিৰ প্ৰাৰ্থীয়ে ভাল ফলাফল দেখুৱাব বুলি কৈ দাসে কয় যে সকলো সমষ্টিতেই ৰাইজে আমাক ভোট দিব।

মিত্ৰজোঁটৰ আটাইকেইটা দল জনতাৰ হৃদয়ে হৃদয়ে আছে উল্লেখ কৰি তামুলপুৰ  সমষ্টিত মিত্ৰজোঁটৰ প্ৰাৰ্থী জলেন দৈমাৰী বিপুল ভোটৰ ব্যৱধানত জয়ী হব বুলি দাবী কৰে দাসে।

‘’মই তামুলপুৰৰ সাতখনকৈ বজাৰত ৰাইজৰ সতে মত বিনিময় কৰিছোঁ। উন্নয়ন আৰু প্ৰগতিৰ স্বাৰ্থত মিত্ৰজোটৰ প্ৰাৰ্থী জলেন দৈমাৰীক ভোট দিবলৈ অনুৰোধ জনাইছোঁ। মত বিনিময় কৰা প্ৰায় ৮০০ গৰাকী ব্যৱসায়ীৰ ভিতৰত ৩০ জন মান ব্যৱসায়ীৰ বাহিৰে আটাইবোৰ ব্যৱসায়ীয়ে জলেন দৈমাৰীক ভোট দিব। মোৰ প্ৰচাৰত ব্যৱসায়ীসকল সন্তুষ্ট,’’-মন্ত্ৰী দাসে কয়।

Also Read: New Team in IPL অৱশেষত আইপিএলৰ নতুন দুটা দলৰ ঘোষণা BCCIৰ; কাৰ হাতলৈ গ’ল দলৰ মালিকানা?

যোগান মন্ত্ৰী হিচাপে নহয় এগৰাকী প্ৰাক্তন সাংবাদিক আৰু সাধাৰণ নাগৰিক হিচাপে মূল্যবৃদ্ধি সম্পৰ্কত মতামত বিচৰাত তেওঁ কয় যে মূল্যবৃদ্ধিক লৈ আমিও উদ্বিগ্ন। মূল্যবৃদ্ধি ৰোধৰ ক্ষেত্ৰত প্ৰধানমন্ত্ৰী নৰেন্দ্ৰ মোদীয়ে ব্যৱস্থা লৈ অচিৰেই মূল্যবৃদ্ধি ৰোধ কৰিব বুলি আমি আশাবাদী।

কৃষকক উচিত মূল্য দিয়াৰ বাবে চৰকাৰে কৃষকৰ ধান উচিত মূল্যত কিনাৰ আশ্বাস দিয়ে মন্ত্ৰী দাসে।