Sibsagar College upgradation কথা ৰাখিলে মুখ্যমন্ত্ৰীয়ে! মহাৰজত জয়ন্তীত সুখবৰ; শিৱসাগৰ কলেজ উন্নীত হ’ব বিশ্ববিদ্যালয়লৈ

Sibsagar College upgradation স্বতন্ত্ৰতা লাভ কৰিব শিৱসাগৰ কলেজে। ৰাজ্যৰ আন চাৰিখন কলেজৰ লগতে শিৱসাগৰ মহাবিদ্যালয়ক আগন্তুক দুবছৰৰ ভিতৰত বিশ্ববিদ্যালয় পৰ্যায়লৈ উন্নীতকৰণ কৰাৰ কথা ঘোষণা কৰিছে ৰাজ্য চৰকাৰে।

চৰকাৰৰ এই ঘোষণাক লৈ উৎফুল্লিত শিৱসাগৰ কলেজৰ শিক্ষক তথা ছাত্ৰ-ছাত্ৰী।

উল্লেখ্য যে যোৱা ৬ নৱেম্বৰত মহাবিদ্যায়লখনত অনুষ্ঠিত মহাৰজত জয়ন্তীৰ মুকলি সভাত মুখ্যমন্ত্ৰী ড০ হিমন্ত বিশ্ব শৰ্মাই ঘোষণা কৰিছিল যে অসমৰ উচ্চ শিক্ষাৰ অন্যতম প্ৰাণ কেন্দ্ৰ  শিৱসাগৰ মহাবিদ্যায়ক অতি সোনকালে বিশ্ববিদ্যালয়ৰ পৰ্যায়লৈ উন্নীতকৰণ কৰা হ’ব।

কথা মতেই কাম। মুখ্যমন্ত্ৰীয়ে  ঘোষণা কৰাৰ প্ৰায় দুটা সপ্তাহৰ পিছতে ৰাজ্যৰ আন চাৰিখন মহাবিদ্যালয়ৰ লগতে শিৱসাগৰ মহাবিদ্যালয়কো বিশ্ববিদ্যালয়ৰ পৰ্যায়লৈ উন্নীতকৰণ কৰা হ’ল।

Also Read: Darshan Nalkande দুৰ্দান্ত! হেট্ৰিকসহ চাৰিটা বলত চাৰিটা উইকেট লৈ অভিলেখ গঢ়িলে এইগৰাকী ভাৰতীয় বলাৰে

শনিবাৰে ৰাজ্য চৰকাৰে প্ৰথম পৰ্যায়ত শিৱসাগৰ কলেজ, লক্ষীমপুৰ কলেজ, নগাঁও কলেজ, সন্দিকৈ কলেজ আৰু জেবি কলেজক বিশ্ববিদ্যালয় পৰ্যায়লৈ উন্নীতকৰণ কৰাৰ কথা ঘোষণা কৰে।

উল্লেখ্য যে ১৯৪৭ চনৰ ২ নৱেম্বৰত প্ৰতিষ্ঠা লাভ কৰা শিৱসাগৰ মহাবিদ্যালয়ে এই বৰ্ষত মহাৰজত জয়ন্তীত ভৰি দিছিল।