Presidential election 2022: আৰম্ভ হ’ল ৰাষ্ট্ৰপতি নিৰ্বাচনৰ ভোটগ্ৰহণ প্ৰক্ৰিয়া; অসম বিধানসভা চৌহদতো প্ৰৱেশ মন্ত্ৰী-বিধায়কৰ
Voting process begins for the Presidential election আৰম্ভ হ’ল ৰাষ্ট্ৰপতি নিৰ্বাচনৰ ভোটগ্ৰহণ। অসম বিধানসভা চৌহদতো অনুষ্ঠিত হৈছে ভোটগ্ৰহণ প্ৰক্ৰিয়া। ইতিমধ্যে বহু বিধায়কে ভোটদান কৰিবলৈ প্ৰবেশ কৰিছে বিধানসভাৰ চৌহদত। সন্ধ্যা ৫ বজালৈকে অনুষ্ঠিত হ’ব ভোটগ্ৰহণ প্ৰক্ৰিয়া।
ইপিনে, এন ডি এ প্ৰাৰ্থী দ্ৰৌপদী মুৰ্মূ জয়ী হ’ব বুলি আশা প্ৰকাশ কৰিছে বিজেপি বিধায়ক প্ৰশান্ত ফুকন আৰু সুশান্ত বৰগোহাঁইয়ে।
ভোটদানৰ পূৰ্বে বিৰোধী দলপতি দেবব্ৰত শইকীয়াই প্ৰতিক্ৰিয়া প্ৰকাশ কৰি ৰাষ্ট্ৰপতি পদৰ বিৰোধী প্ৰাৰ্থী যশোৱন্ত সিনহাই বিবেক ভোট লাভ কৰিব বুলি আশা ব্যক্ত কৰে।
কংগ্ৰেছৰ ২৬ গৰাকী বিধায়কে যশোৱন্ত সিনহাক ভোট দিব বুলিও শইকীয়া আশাবাদী। তেওঁ AIUDF ৰ কথা নাজানো বুলি মন্তব্য কৰে।
আনহাতে, AIUDF ৰ ১৩ গৰাকী বিধায়কে যশোৱন্ত সিনহাক ভোট দিব বুলি উল্লেখ কৰে বিধায়ক আমিনুল ইছলামে। দলটোৰ দুগৰাকী বিধায়ক হজলৈ যাবলগীয়া হোৱা বাবে ভোট দিব নোৱাৰিলে বুলিও তেওঁ জনায়।