নিবনুৱা সমস্যাৰ ভয়াৱহ ৰূপ! গুজৰাটত চাকৰিৰ সাক্ষাৎকাৰত একাধিক লোকৰ ভিৰ, পদপিষ্ট হৈ আঘাতপ্ৰাপ্ত একাংশ

পাঁচটা পদৰ বাবে ১০০০ৰো অধিক প্ৰাৰ্থী হাজিৰ। হোটেলৰ প্ৰৱেশদ্বাৰত কোনে প্ৰথমে সোমাব বুলি হুলস্থুলীয়া পৰিৱেশৰ সৃষ্টি। ৰেলিঙৰ পৰা তললৈ পৰি আহত হয় কেইবাজনো পৰীক্ষাৰ্থী। বৃহস্পতিবাৰে গুজৰাটত সংঘটিত হয় এই ঘটনা।

সৰ্বভাৰতীয় সংবাদ মাধ্যমৰ কভাৰেজৰ বাবেই এই ঘটনাৰ এটা ভিডিঅ’ ভাইৰেল হৈ পৰে। সেইবাবেই এই ভয়ংকৰ দৃশ্যটো আহিল।

খবৰ অনুসৰি এটা ৰাসায়নিক উদ্যোগ কোম্পানীয়ে শ্বিফ্ট ইনচাৰ্জ, প্লাণ্ট অপাৰেটৰ, ছুপাৰভাইজাৰ, মেকানিকেল ফিল্টাৰ আৰু এক্সিকিউটিভ ইন কেমিকেল ইঞ্জিনিয়াৰিং আৰু আই টি আই প্ৰমাণপত্ৰৰ বাবে এজনকৈ শ্ৰমিক নিযুক্তিৰ বাবে অধিসূচনা জাৰি কৰিছিল। বৃহস্পতিবাৰে গুজৰাটৰ অংকলেশ্বৰৰ এখন হোটেলত সাক্ষাৎকাৰৰ ব্যৱস্থা কৰে সংস্থাটোৱে। তাত বি.ই.কে ধৰি বিভিন্ন অৰ্হতা থকা প্ৰাৰ্থীয় চাকৰিৰ বাবে হাজিৰ হৈছিল।

ভাইৰেল ভিডিঅ’টোত দেখাৰ দৰে প্ৰতিষ্ঠানটোৰ কোনো উপযুক্ত ব্যৱস্থা আয়োজন কৰা নাছিল। সংকীৰ্ণ ৰেলিঙৰ মাজেৰে হোটেলখনত প্ৰৱেশ কৰিবলৈ চেষ্টা কৰিছিল হাজাৰৰো অধিক প্ৰাৰ্থী। যাৰ ফলত কাষৰ ৰেলিং ভাঙি কেইবাজনো লোক তললৈ পৰি আহত হয়।