অবিশ্বাস্য! দিনে ২০খনকৈ ৰুটি খাইও ১৮মাহ ধৰি শৌচাগাৰলৈ যোৱা নাই এজন কিশোৰ

এদিন-দুদিন নহয়, সুদীৰ্ঘ ১৮মাহ শৌচাগাৰলৈ যোৱা নাই মধ্য প্ৰদেশৰ এইজন ১৬বছৰীয়া কিশোৰে। সেইবুলি তেওঁ একো নোখোৱাকৈয়ো থকা নাই।

কিশোৰজনে দিনে ১৮ৰ পৰা ২০খনকৈ ৰুটি খায় যদিও শৌচাগাৰলৈ নাযায়। শুনিলে বিশ্বাস নোহোৱা কথা যেন লাগিলেও এয়া সত্য।

আশিস চাণ্ডিল নামৰ কিশোৰজনৰ এনে অদ্ভুত বেমাৰৰ ঘটনাই পৰিয়ালৰ লোককো আচৰিত কৰি তুলিছে।

চিকিৎসকৰ পৰামৰ্শ গ্ৰহণ কৰিও সুফল লাভ কৰা নাই পৰিয়ালৰ লোকে।

মধ্য প্ৰদেশৰ মোৰেনা জিলাৰ পুৰাৰ চাবজিতৰ বাসিন্দা মনোজ চাণ্ডিলৰ পুত্ৰ হৈছে আশিস চাণ্ডিল। ১৮মাহ ধৰি এক অদভুত বেমাৰত ভূগিছে আশিস।

গোটেই দিন বিভিন্ন খাদ্য খাই থকাৰ পাছতো কেতিয়াও শৌচাগাৰলৈ যাবলগীয়া হোৱা নাই। সেইবুলি কেতিয়াও শৰীৰ বেয়া হোৱাও নাই।

কিশোৰজনৰ এনে অদ্ভুত বেমাৰত চিন্তিত পৰিয়ালে বিভিন্ন চিকিৎসকৰ ওচৰলৈ ঢাপলি মেলে আৰু একাধিক পৰীক্ষা কৰিও চায়। কিন্তু কোনো চিকিৎসকে প্ৰকৃত বেমাৰ ধৰিব নোৱাৰিলে।

ভৱিষ্যতে যাতে কিশোৰজনৰ কোনো ডাঙৰ অসুখ নহয় তাকলৈ চিন্তাত আছে পৰিয়ালটো। ইয়াৰ মাজতে চিকিৎসকসকলে আৰু অধিক পৰীক্ষাৰ পৰামৰ্শ দিছে।

এই ঘটনা পোহৰলৈ অহাৰ পাছত বিভিন্নজনে আশ্চৰ্য প্ৰকাশ কৰিছে আৰু বিভিন্ন পৰামৰ্শও দিছে। এতিয়া আশিস কোনো গুৰুতৰ বেমাৰত ভূগিছে নেকি সেয়া লক্ষ্যণীয় হৈ পৰিছে।