ম্যানমাৰৰ পৰা অহা তিনি আলফা (স্বাধীন) কেডাৰক অৰুণাচলৰ খুনচাত আটক
অসমৰ চুবুৰীয়া ৰাজ্য অৰুণাচলৰ প্ৰদেশৰ খুনচাত ৩জনকৈ দুৰ্ধৰ্ষ আলফা কেডাৰ আটক হোৱাৰ বাতৰি পোৱা গৈছে।
প্ৰাপ্ত তথ্য অনুসৰি ম্যানমাৰৰ পৰা প্ৰশিক্ষণ লৈ উভতি অহাৰ সময়ত আজি পুৱা আছাম ৰাইফলছৰ জালত পৰে ৩জনকৈ আলফা কেডাৰ।
অৰুণাচল প্ৰদেশৰ খুনচা আৰক্ষী থানাৰ অন্তৰ্গত নংল অঞ্চলৰ পৰা ৬নং আছাম ৰাইফলছৰ এটা বৃহৎ দলে গোপন সূত্ৰৰ পম খেদি আলফা কেডাৰ কেইজনক আটক কৰিছে।
আটকাধীন কেডাৰ কেইজনৰ নাম ক্ৰমে হিৰনীয়া মৰান ওৰফে গদা অসম (২৮), সঞ্জয় বৰা ওৰফে কবিৰ অসম (২৭), নয়ন গগৈ ওৰফে ৰঞ্জন অসম (২৫) বুলি জানিব পৰা গৈছে।
ম্যানমাৰৰ পৰা প্ৰশিক্ষণ লৈ তেওঁলোক কুটাঘাটৰ পৰিকল্পনাৰে আহিছিল বুলি ৰাইফলছৰ সূত্ৰে প্ৰকাশ কৰিছে।
আটকাধীন স্বয়ম্ভূ চাৰ্জেণ্ট মেজৰ গদা অসম ওৰফে হিৰন্ময় মৰাণৰ ঘৰ টঙনাৰ হাতীগড়ত।
স্বয়ম্ভূ চাৰ্জেণ্ট কবিৰ অসম ওৰফে সঞ্জয় বৰাৰ ঘৰ তিনিচুকীয়া জিলাৰ কাকপথাৰ আৰু ৰঞ্জন অসম ওৰফে নয়ন গগৈৰ ঘৰ সোণাৰিৰৰ সাপেখাতিত।
তিনিজনৰ পৰা তিনিটা পইণ্ট ৩২ পিষ্টল আৰু তিনিটা মেগজিন জব্দ কৰা হৈছে।
তিনিওজনকে বৰ্তমান সোধপোচ অব্যাহত ৰখা হৈছে।
বৰ্তমান আটকাধীন আলফা কেডাৰ কেইজনক আছাম ৰাইফলছে নিজৰ জিম্মাত ৰাখিছে।
You may also like
আহোমৰ অন্তিমগৰাকী স্বৰ্গদেউৰ পৰিনাতি ৰাজকুমাৰ অজিত নাৰায়ন সিংহৰ পৰলোক
আহোম সাম্ৰাজ্যৰ অন্তিমগৰাকী স্বৰ্গদেউ পুৰন্দৰ সিংহৰ বংশধৰ এগৰাকী সুপৰিচিত লেখক ৰাজকুমাৰ অজিত নাৰায়ন সিংহৰ দেওবাৰে নিশা প্ৰায় ৮-৩০ বজাত গুৱাহাটীৰ এছ কে…
সমলিংগৰ বিবাহক স্বীকৃতি নিদিয়ে কেন্দ্ৰই! : দিল্লী উঃ ন্যায়ালয়ত সমলিংগৰ বিবাহ বিৰোধিতা কেন্দ্ৰৰ
সমলিংগ বিবাহৰ স্বীকৃতি বিৰোধিতা কৰিছে বিজেপি নেতৃত্বাধীন নৰেন্দ্ৰ মোদীৰ কেন্দ্ৰীয় চৰকাৰে। সোমবাৰে দিল্লী উচ্চ ন্যায়ালয়ৰ এই সংক্ৰান্তীয় এখন ৰাজহুা স্বাৰ্থ জড়িত আবেদনৰ…
ক্ষান্ত নহয় পুটিন! ৫১ দিনৰ পাছত কিয়েভত ৰাছিয়াৰ ক্ষেপণাস্ত্ৰ আক্ৰমণ; ইউক্ৰেইনৰ প্ৰতিক্ৰিয়া
বৃহস্পতিবাৰে নিশা ৰাছিয়াই ইউক্ৰেইনৰ ৰাজধানী কিয়েভকে ধৰি দেশৰ বিভিন্ন চহৰত ক্ষেপণাস্ত্ৰ আক্ৰমণ চলায়। ইয়াৰ ফলত কমেও ১৪ জন লোকৰ মৃত্যু হয়। কিয়েভৰ…
তামিলনাডু নিৰ্বাচনত বিশেষ চমক: বিজয়ক উপ-মুখ্যমন্ত্ৰীৰ পদ আৰু ৮০খন আসনৰ প্ৰস্তাৱ বিজেপিৰ
তামিলনাডুৰ ৰাজনৈতিক বতাহত এতিয়া এক বিশেষ চৰ্চাই তীব্ৰ ৰূপ ধাৰণ কৰিছে। আগন্তুক বিধানসভা নিৰ্বাচনক কেন্দ্ৰ কৰি বিজেপি আৰু অভিনেতা বিজয়ৰ দল তামিলাগা…