মহালয়া : ঘোঁৰাত উঠি পৃথিৱীলৈ আগমন দুৰ্গতিনাশিনী দেৱী দুৰ্গাৰ

আজি সোমবাৰ, ৮ অক্টোবৰ, শুভ মহালয়া। লগে লগে ঘোঁৰাত উঠিত পৃথিৱীলৈ আগমন ঘটিল শক্তিৰ অধিষ্ঠাত্ৰী, দুৰ্গতিনাশিনী দেৱী দুৰ্গাৰ বন্দনাৰে মুখৰ হৈ পৰিছে সমগ্ৰ ৰাজ্য।

দেৱী দুৰ্গাৰ বন্দনাৰে মুখৰ হৈ পৰিছে সমগ্ৰ ৰাজ্য। উজনিৰ পৰা নামনিলৈ দেৱী দুৰ্গাৰ আৰাধনাত ব্যস্ত হৈ পৰিছে ভক্তগণ।

আনহাতে মহালয়াৰ লগত সংগতি ৰাখি নৈৰ পাৰসমূহত পৰম্পৰাগত ৰীতি-নীতিৰে পূৰ্বপুৰুষক স্মৰণ কৰিছে উত্তৰ পুৰষে।

উল্লেখযোগ্য যে হিন্দু ধৰ্মমতে মহালয়াৰ দিনটোতে গংগাতীৰত প্রার্থনা কৰি ভক্তসকলে মৃত আত্মীয়-স্বজন আৰু পূর্বপুৰুষৰ আত্মাৰ মংগল কামনা কৰে।

আজি পুৱতিনিশাৰ পৰাই সমগ্ৰ দেশৰ লগতে অসমৰো বিভিন্ন জিলা তথা ঠাইসমূহত স্থায়ী আৰু অস্থায়ী দুর্গা মণ্ডপসমূহত চণ্ডীপাঠ আৰু পূজা-অর্চনাৰে দুর্গা দেৱীক আহ্বান কৰা হয়।

হিন্দুধৰ্ম অনুসৰি মহালয়াৰ জৰিয়তে ধৰালৈ আগমন ঘটে শক্তিৰ অধিষ্ঠাত্ৰী দেৱীৰ। আকৌ পুৰাণৰ অনুসৰি অশুভ অসুৰ শক্তিৰ ওচৰত পৰাভূত দেৱতাসকলে স্বর্গলোকচ্যুত হোৱাৰ পিছত চাৰিওফালে আৰম্ভ হয় অশুভ শক্তিৰ প্রতাপ। এই অশুভ শক্তি বিনাশ কৰিবলৈ একত্রিত হয় দেৱতাগণ।

আৰু তেতিয়াই দেৱতাৰ তেজৰশ্মিৰ পৰা আবিৰ্ভাৱ হয় দুৰ্গতিনাশিনী দেৱী দুৰ্গাৰ। ইফালে জনশ্ৰুতি অনুসৰি হিমালয়ৰ কৈলাসৰ পৰা সুদূৰ পথেৰে প্রতিবছৰে দুর্গা দেৱী সমতল ভূমিলৈ নামি আহে। লগত আহে গণেশ, কার্তিক, লক্ষ্মী আৰু সৰস্বতী।

মুঠৰ ওপৰত আজিৰ পৰাই দুৰ্গা দেৱীৰ আগমনৰ ধ্বনি শুনিবলৈ পোৱা যায়।