দিল্লীত কেন্দ্ৰ, ৰাজ্য চৰকাৰ আৰু বিটিচি প্ৰশাসনৰ গুৰুত্বপূৰ্ণ ত্ৰিপাক্ষিক বৈঠক
বিশ্বজিত দৈমাৰীৰ ফাইল ফটো
বৈঠকত বড়ো চুক্তিৰ দফাসমূহ ৰূপায়ণ সন্দৰ্ভত আলোচনা কৰা হয়। এন ডি এফ বি (পি)আৰু ভাৰত চৰকাৰৰ শান্তি আলোচনাৰ বিষয়টোও উত্থাপন কৰা হয়।
ইয়াৰ উপৰি বিটিচি প্ৰশাসনৰ প্ৰতিনিধিসকলে কাৰ্বি আংলং আৰু ডিমা হাছাওৰ বড়োসকলক পাৰ্বত্য জনজাতিৰ মৰ্যাদা দিয়াৰ বাবে প্ৰস্তাৱিত বিধেয়কখন শীতকালীন অধিৱেশনত গৃহীত কৰাৰ দাবী তোলে।
আনহাতে বৈঠকত গৃহ মন্ত্ৰ্যালয়ৰ উত্তৰ-পূবৰ দায়িত্বত থকা যুটীয়া সচিব সত্যেন্দ্ৰ গাৰ্গে বিটিচি প্ৰশাসনক জানিবলৈ দিয়ে যে, শান্তি আলোচনাৰ কোনো স্পষ্ট অগ্ৰগতি হোৱা নাই।
জানিব পৰামতে, ৰাষ্ট্ৰীয় ঘাইপথ নিৰ্মাণ তথা কেন্দ্ৰীয় পুঁজি আবণ্টনৰ বিষয়টোও উত্থাপন কৰা হয় বৈঠকখনত।
বৈঠকত বিটিচি প্ৰশাসনৰ হৈ খাম্পা বৰগয়াৰী, চন্দন ব্ৰহ্ম আৰু বি পি এফৰ সাংসদ বিশ্বজিত্ দৈমাৰী উপস্থিত আছিল বুলি সূত্ৰটোৱে জনায়।